వెలుగు బిజినెస్ డెస్క్: గేమ్ స్ట్రీమింగ్ ప్లాట్ఫామ్స్ లోకో, రూటర్ గ్లోబల్ మార్కెట్లో యూట్యూబ్, అమెజాన్ ట్విచ్లతో పోటీకి సై అంటున్నాయి. గేమర్లు, గేమింగ్ ఇన్ఫ్లుయెన్సర్లు తమ గేమ్ప్లే సెషన్స్ బ్రాడ్కాస్టింగ్ కోసం యూట్యూబ్ను వాడుతుంటారు. అయితే, గేమర్ల రీచ్ పెంచేందుకు తమ నోటిఫికేషన్స్తో రూటర్, లోకో వంటి డెడికేటెడ్ ప్లాట్ఫామ్స్ సాయపడుతున్నాయి. సౌత్ కొరియా గేమింగ్ కంపెనీ క్రాఫ్టన్, వెంచర్ క్యాపిటల్ కంపెనీ లుమికాయ్ లోకోలో పెట్టుబడి పెట్టాయి. పెద్ద హడావుడి లేకుండానే లోకో తన అరబిక్ యాప్ను పశ్చిమ ఆసియా దేశాలలో కొన్ని నెలల కిందట అందుబాటులోకి తెచ్చింది. లాటిన్ అమెరికా దేశాలలోకి అడుగు పెట్టేందుకు ప్లాన్ చేస్తున్నట్లు లోకో ఫౌండర్ అనిరుధ్ పండిత చెబుతున్నారు. మరోవైపు లైట్బాక్స్, ట్రైఫెక్టా క్యాపిటల్ వంటివి మరో డెడికేటెడ్ ప్లాట్ఫామ్ రూటర్లో పెట్టుబడులు పెట్టాయి. పశ్చిమ ఆసియా దేశాలతో మొదలు పెట్టి, ఇతర దేశాలలోకీ విస్తరించాలని రూటర్ ఆలోచిస్తోంది. కానీ, ఈ కంపెనీ స్పోక్స్పర్సన్ ఈ అంశంపై కామెంట్ చేయడానికి ఇష్టపడలేదు.
లోకో యాప్ అరబిక్ వెర్షన్ (బేటా) మొరాకో, సౌదీ అరేబియా, యూఏఈ, ఈజిప్ట్, అల్జీరియా, ట్యునీషియా వంటి దేశాలలో నడుస్తోందని పండిత వెల్లడించారు. లాటిన్ అమెరికా దేశాలలో ఇంకా టెస్ట్రన్ మొదలు కాలేదని చెప్పారు. యూఐ, యూఎక్స్ వంటి వాటిలో ఇంకా కొన్ని మార్పులు చేయాల్సి ఉందని, లోకల్ పేమెంట్ సిస్టమ్స్, లోకల్ ట్యాక్స్ కాంప్లయెన్స్ వంటి వాటిపై ఫోకస్ పెట్టామని పేర్కొన్నారు. సౌదీ అరేబియా వంటి కొన్ని దేశాలలో యావరేజ్ రెవెన్యూ పర్ యూజర్ (ఆర్పు) ఎక్కువగా ఉంటోంది. అంతేకాదు, ఎక్కువ రెవెన్యూ యాడ్స్ ద్వారా కాకుండా డైరెక్ట్ ట్రాన్సాక్షన్ల ద్వారానే వస్తోంది. ఈజిప్ట్ వంటి దేశాలలో ఆర్పు కొంత తక్కువగానే ఉండొచ్చని పండిత వివరించారు.
పశ్చిమ ఆసియా దేశాలలో ఎక్కువే...
గేమ్ ప్లే సెషన్స్లో ఉంటూనే ఇతరులతో ఇంటారక్ట్ అవడానికి గేమ్ స్ట్రీమింగ్ ప్లాట్ఫామ్స్ వీలు కల్పిస్తాయి. రూటర్ కిందటేడాది ఈ–స్పోర్ట్స్ టీమ్ గాడ్లైక్ వంటి 50 మంది గేమర్లను తన ప్లాట్ఫామ్పై రూటర్ చేర్చుకుంది. ఇంకో వైపు లోకో కూడా 2022 లో 100 ఎక్స్క్లూజివ్ అగ్రిమెంట్లపై సంతకాలు చేసినట్లు సమాచారం. మిడిల్ ఈస్ట్లో లోకో యాప్కు వేలాది మంది యూజర్లున్నారు. సౌదీ అరేబియాలోనే ఎక్కువ మంది యూజర్లుండగా, ఆ తర్వాత ప్లేస్లో ఈజిప్ట్ నిలుస్తోందని పండిత వెల్లడించారు. ఇండియాతో పోలిస్తే సౌదీ అరేబియా, యూఏఈ వంటి దేశాలలో ఆర్పు చాలా ఎక్కువగానే ఉంటుందని ఇండస్ట్రీ నిపుణులు చెబుతున్నారు. ఈ దేశాలలో ఆర్పు నెలకు రూ. 1,660 దాకా ఉండొచ్చని అంచనా వేస్తున్నారు. ఇండియా, వెస్ట్ ఏషియన్ మార్కెట్లకు దగ్గర పోలికలున్నాయని, రెండు చోట్ల పబ్జీ (ఇండియాలో బీజీఎంఐ) ఫ్రీ ఫైర్, వాలోరెంట్, క్లాష్ ఆఫ్ క్లాన్స్, గెన్షిన్ ఇంపాక్ట్ వంటి గేమ్స్ పాపులరని ఒక నిపుణుడు చెప్పారు.
ALSO READ: కొట్లాడి సాధించుకున్న తెలంగాణను దొంగల చేతుల్లోకి పోనివ్వద్దు : కల్వకుంట్ల కవిత
రెండు యాప్లకు14 కోట్ల యూజర్లు...
లోకో యాప్కు ఇండియాలో 6 కోట్ల మంది, రూటర్ యాప్కు 8 కోట్ల మంది యూజర్లున్నారు. బీజీఎంఐ మాస్టర్స్ సిరీస్ను ఈ రెండు ప్లాట్ఫామ్స్ హోస్ట్ చేశాయి. యూజర్ మానిటైజేషన్, అడ్వర్టైజ్మెంట్స్, బ్రాండెడ్ కంటెంట్, స్పాన్సర్షిప్‌ల రూపంలోనే ఈ యాప్లు డబ్బు సంపాదిస్తున్నాయి.
