దేశవ్యాప్తంగా గణేశ్ చతుర్థి వేడుకలు ఘనంగా జరుగుతున్నాయి. భక్తులతో ఆలయాలు, గణేశ్ మండపాలు కిటకిటలాడుతున్నాయి. హైదరాబాద్ .. ఖైరతాబాద్ వినాయకుడిని గవర్నర్ దంపతులు దర్శించుకున్నారు. సికింద్రాబాద్ గణపతి ఆలయంలో వైభవంగా నవరాత్రి ఉత్సవాలు జరుగుతున్నాయి. గువాహటి లతాషిల్లోని గణేష్ మందిర్లో శనివారం వినాయక చవితిని పురస్కరించుకుని భక్తులు మట్టి దీపాలు వెలిగించారు
పుణెలోని ఓ కుటుంబం వినాయక చవితి సందర్భంగా వినాయకుడి విగ్రహాన్ని తీసుకెళ్లింది. మరోవైపు దేశ, విదేశాల్లోని భారతీయులకు రాష్ట్రపతి ద్రౌపది ముర్ము శుభాకాంక్షలు తెలిపారు. నాగ్పూర్లో వినాయక చవితిని పురస్కరించుకుని వినాయక విగ్రహాన్ని మండపానికి తీసుకెళ్లిన ఊరేగింపులో భక్తులు పాల్గొన్నారు.
ALSO READ | ఖైరతాబాద్ గణేషుని దర్శించుకున్న గవర్నర్ జిష్ణుదేవ్ శర్మ
వినాయక చవితి ఉత్సవాల్లో భాగంగా శనివారం ( సెప్టెంబర్ 7) ముంబైలోని సిద్ధివినాయక ఆలయంలో భక్తులు హారతి ఇచ్చారు. ముంబైలో గిర్గాంచ రాజా సర్వజనిక్ గణేశోత్సవ్ మండల్ ఆధ్వర్యంలో నిర్వహించిన వినాయక చవితి వేడుకల్లో భాగంగా పర్యావరణహిత వినాయకుడి విగ్రహాన్ని ఏర్పాటు చేశారు.ఘట్కోపర్ పోలీస్ స్టేషనవ్కి చెందిన పోలీసు అధికారులు శుక్రవారం వినాయకుడి విగ్రహాన్ని ముంబైలోని పోలీస్ స్టేషన్కి తీసుకెళ్లారు.
దిల్లీలో అమ్మకానికి ఉంచిన వినాయకుడి మట్టి విగ్రహానికి ఓ మహిళా కళాకారిణి శనివారం తుది మెరుగులు దిద్దారు. ముంబైలోని లాల్బాగ్చా కా రాజా సర్వజనిక్ గణేశోత్సవ్ మండల్ వద్ద వినాయకుడి విగ్రహాన్ని గురువారం ఆవిష్కరించారు. ఈ ప్రసిద్ధ గణేష్ విగ్రహం 1934 నుంచి అక్కడ పూజలు పొందుతోంది.
