‘జై బోలో గణేశ్ మహరాజ్‌‌‌‌‌‌‌‌కీ జై, గణపతి బప్పా మోరియా’ నినాదాలతో వరంగల్ ట్రై సిటీ మారుమోగింది. తొమ్మిది రోజుల పాటు పూజలందుకున్న గణపయ్య బుధవారం గంగ ఒడిని చేరుకున్నాడు. ఉమ్మడి వరంగల్ జిల్లా వ్యాప్తంగా గణేశ్ నిమజ్జనాన్ని ఘనంగా నిర్వహించారు. ఈ సందర్భంగా వినాయక విగ్రహాలను అందంగా
అలంకరించిన ట్రాక్టర్లు, లారీల్లో ప్రతిష్ఠించి ప్రధాన వీధుల్లో డప్పుచప్పుళ్లు, డీజే, తీన్మార్ పాటలు, కోలాటాల నడుమ శోభాయాత్ర నిర్వహించారు. అనంతరం చెరువుల్లో నిమజ్జనం చేశారు. వినాయక మండపాల వద్ద లడ్డూ వేలం నిర్వహించారు.
