బోధన్, వెలుగు: బోధన్లో బీఎస్పీ గెలుపునకు కృషి చేయాలని జిల్లా ఇన్చార్జి గైని గంగాధర్ కోరారు. ఆదివారం బోధన్లోని బీఎస్పీ ఆఫీసులో నియోజకవర్గంలోని ముఖ్యకార్యకర్తలతో సమావేశం నిర్వహించారు. అసెంబ్లీ ఎన్నికలు సమీపిస్తుండడంతో కార్యకర్తలు సైనికులుగా పనిచేయాలని సూచించారు. తమ పార్టీ విధివిదానాలను గ్రామగ్రామాన తీసుకవెళ్లి ప్రజలకు వివరించి చైతన్యం చేయాలన్నారు. ఇప్పటికే బూత్ కమిటిలు, శిక్షణ తరగతులు నిర్వహించినట్టు తెలిపారు.
ప్రతి మండలంలోని పార్టీ ఆఫీసులు ఏర్పాటు చేయాలని సూచించారు. రాబోవు ఎన్నికలలో బీఎస్పీ పార్టీని అధికమెజార్టీతో గెలుపించుకోవడానికి కృషి చేయాలన్నారు. ఈ కార్యక్రమంలో అసెంబ్లీ ఇంచార్జీ సింగాడే పాండు, అసెంబ్లీ ఉపాధ్యక్షుడు ఎన్.శంకర్, బోధన్ పట్టణ అధ్యక్షుడు గోపాల్, మండల అధ్యక్షుడు యూసుఫ్, నాయకులు బాగారే గంగాధర్, కిరణ్కుమార్, మారుతి, గ్రామ కమిటిలు, బూత్ కమిటిల ఇంచార్జీలు, కార్యకర్తలు పాల్గోన్నారు.
