గుట్టుచప్పుప్పుడు కాకుండా గంజాయి అక్రమ రవాణాకు పాల్పడుతున్న వారిని రామచంద్రాపురం పోలీసులు అదుపులోకి తీసుకున్నారు. సంగారెడ్డి జిల్లా సైబరాబాద్ పోలీస్ కమిషనరెట్ పరిధిలో ఉన్న కొల్లూరు ఔటర్ రింగ్ రోడ్డుపై ఎస్ఓటి, రామచంద్రాపురం పోలీసులు సంయుక్తంగా వాహన తనిఖీలు నిర్వహించారు. ఈ తనిఖీల్లో 120 కిలోల గంజాయిని తరలిస్తున్నట్టుగా గుర్తించారు. మేడ్చల్ కు చెందిన నిందితులు ఒరిస్సా నుంచి హైదరాబాద్ కు గంజాయిని తరలించే ప్రయత్నం చేసినట్టుగా పోలీసులు వివరించారు. ఈ ఘటనలోవారి వద్ద నుంచి రూ. 50 లక్షల 90 వేల రూపాయల విలువ చేసే గంజాయితో పాటు రెండు కార్లు, ఒక బైక్, సెల్ఫోన్ లు స్వాధీనం చేసుకున్నామన్నారు. ముగ్గురు నిందితులను పోలీసుల అదుపులోకి తీసుకోగా ఒకరు పరారీలో ఉన్నారు.
