ప్రపంచ వ్యాప్తంగా క్రికెట్ క్రేజ్ రోజు రోజుకీ పెరిగిపోతూ ఉంది. వరల్డ్ కప్ లాంటి మెగా టోర్నీ వచ్చిందంటే స్టేడియంలో అభిమానులు సందడి నెక్స్ట్ లెవల్లో ఉంటుంది. అయితే తొలిసారి వన్డే వరల్డ్ కప్ భారత్ లో నిర్వహించడంతో దేశమంతా పండగ వాతావారణం నెలకొంది. టీమిండియా కప్ గెలవాలని ప్రముఖులు విష్ చేస్తున్నారు. తాజాగా వరల్డ్ ఫేమస్ ఫుట్ బాల్ స్టార్ థామస్ ముల్లర్ తన విషెస్ ని భారత్ కి తెలిపాడు.
సాధారణంగా ఫుట్ బాల్ లాంటి సూపర్ స్టార్లకు క్రికెట్ పెద్దగా పరిచయం ఉండదు. కానీ ఊహించని రీతిలో ముల్లర్ టీమిండియాకు సపోర్ట్ చేయడం ప్రస్తుతం వైరల్ గా మారింది. " హే రోహిత్.. ప్రపంచ కప్ కోసం మీకు మీ జట్టుకు నా శుభాకాంక్షలు. మూడోసారి వరల్డ్ కప్ సాధించాలని కోరుకుంటున్నాను". అని ట్వీట్ చేసాడు. ముల్లర్ జర్మనీ ఫుట్ బాల్ స్టార్ ప్లేయర్. 2014 లో జర్మనీ వరల్డ్ కప్ గెలవడంతో కీలక పాత్ర పోషించాడు. అలాంటి ఒక సూపర్ స్టార్ ఇలా టీమిండియాను ప్రత్యేకంగా అభినందించడం నిజంగా విశేషమనే చెప్పాలి.
- ALSO READ | Cricket World Cup 2023: ధర్మశాలలో కోహ్లీ జపం.. ఆఫ్ఘనిస్తాన్ బౌలర్ని వదలని విరాట్ ఫ్యాన్స్
ఇక భారత్ తమ వరల్డ్ కప్ తొలి సమరాన్ని రేపు( ఆదివారం) ప్రారంభించనుంది. ఆస్ట్రేలియాతో జరగబోయే ఈ మ్యాచుకు చెన్నై చిదంబరం ఆతిధ్యమిస్తుంది. ఇరు జట్లు పటిష్టంగా ఉండడంతో ఈ మ్యాచు హోరాహోరీగా జరగడం ఖాయంగా కనిపిస్తుంది. మరి ఈ మ్యాచులో ఎవరు గెలిచి వరల్డ్ కప్ లో బోణీ కొడతారో చూడాలి.
