గల్ఫ్ ప్రాంతంలోని వేలాది మంది భారతీయులు వెల్లడించని ఆస్తులు కలిగి ఉన్నారని జర్మనీ తెలిపింది. ఈ మేరకు అత్యంత సెన్సిటివ్ డేటా భారత ప్రభుత్వానికి షేర్ చేసింది జర్మనీ. ఇరు దేశాల మధ్య డ్యూయల్ ట్యాక్స్ అవాయిడెన్స్ అగ్రిమెంట్ లో ఉన్న 'స్పాంటేనియస్ ఎక్స్ఛేంజ్ ఆఫ్ ఇన్ఫర్మేషన్' నిబంధన కింద ఈ డేటాను వెల్లడించినట్లు తెలిపింది జర్మనీ.ఈ డేటాలో దుబాయ్ సహా యూఏఈ లోని ఇతర నగరాల్లో వెల్లడించని ఆస్తులు కలిగి ఉన్న 1,000 మంది భారతీయుల వివరాలు ఉన్నట్లు తెలుస్తోంది.
ఈ డేటా ఆధారంగా ఆదాయ పన్ను శాఖ అక్టోబర్ చివరి నుండి ఢిల్లీ, ముంబై, బెంగళూరు సహా 14 నగరాల్లో నోటీసులు జారీ చేసినట్లు తెలుస్తోంది. 2011లో ఫ్రాన్స్ లీక్ చేసిన హెచ్ఎస్ బీసీ స్విస్ అకౌంట్ల డేటా కంటే ఈ డేటా మించిపోయిందని తెలుస్తోంది.మొత్తానికి స్విస్ బ్యాంకు అకౌంట్ల రూపంలో మనోళ్లు ఈ రకంగా సంపద పోగేస్తున్నారా అంటూ.. ఈ డేటా లీక్ పై సర్వత్రా పెద్ద ఎత్తున చర్చ జరుగుతోంది.
