రాజేంద్రనగర్ సర్కిల్ హైదర్గూడలో విజేత సూపర్ మార్కెట్ను జీహెచ్ఎంసీ కమీషనర్ రోనాల్డ్ రోస్ సీజ్ చేశారు. రాజేంద్రనగర్లో అధికారులతో కలిసి సెప్టెంబర్ 26 మంగళవారం రోజున ఆయన పర్యటించారు ... ఈ క్రమంలో తన ముందే చెత్తను రోడ్డుపై పడేశారు విజేత సూపర్ మార్కెట్ సిబ్బంది. దీంతో సీరియస్ అయిన రోనాల్డ్ రోస్ .. వెంటనే ఆ సూపర్ మార్కెట్ ను సీజ్ చేసి రూ. 50 వేల రూపాయల జరిమానా విధించారు.
ALSO READ : గవర్నర్ తీరు ఫెడరల్ స్ఫూర్తికి విరుద్ధంగా ఉంది : ఎమ్మెల్సీ కవిత
హైదరాబాద్ లో విజేత సూపర్ మార్కెట్ అంటే తెలియని వారంటూ ఉండరు. సామన్యుల నుంచి ధనికులు వరకు అందులోకి వెళ్తుంటారు. సిటీలో మంచి బ్రాండ్ క్రియేట్ చేసుకున్న ఈ సూపర్ మార్కెట్ వార్తల్లోకి ఎక్కడం ఇదేం మొదటిసారి కాదు. గతంలో మదీనాగూడ, చందానగర్‌ ప్రాంతాల్లో ఉన్న విజేత సూపర్ మార్కెట్‌లో ఓకే సమయంలో ఫుడ్‌ సేఫ్టీ అధికారులు దాడులు చేశారు. అధికారుల సోదాల్లో నిర్వహకులు స్టోర్‌లో నాసీరకం పదార్ధాలను విక్రయిస్తున్నట్లు గుర్తించారు.
