- రూ.1,350 కోట్ల పెండింగ్బిల్లులు ఇవ్వాలని డిమాండ్
హైదరాబాద్, వెలుగు : జీహెచ్ఎంసీలోని కాంట్రాక్టర్లు శనివారం నుంచి బంద్కు పిలుపునిచ్చారు. ఇప్పటికే పూర్తిచేసిన పనులకు సంబంధించి రూ.1,350 కోట్ల బిల్లులు పెండింగ్పెట్టడంతో బంద్ కు దిగారు. పెండింగ్బిల్లులు రిలీజ్చేసేవరకు పనులు కొనసాగించబోమని తేల్చిచెప్పారు. ఈ మేరకు కాంట్రాక్టర్స్ అసోసియేషన్ ప్రకటించింది. ఇప్పటికే జోన్స్థాయిలో కొందరు కాంట్రాక్టర్లు పనులను బంద్ చేశారు.
శనివారం నుంచి కాంట్రాక్టర్లంతా పనులు బంద్ చేసి నిరసనకు దిగనున్నారు. అయితే వానా కాలానికి ముందు పనులు ఆపడంతో సిటీలో ఇబ్బందులు ఎదురయ్యే అవకాశం ఉంది. రోడ్ల రిపేర్లు, నాలాల పనులు ఆగితే భారీ వర్షాల టైంలో సమస్యలు చుట్టుముట్టొచ్చు. గతంలో ఇలాగే పలుమార్లు కాంట్రాక్టర్లు సమ్మెకు దిగారు. ఆ టైంలో ఎంతో కొంత బిల్లులు రిలీజ్చేసి, బల్దియా సమ్మెను విరమింపజేస్తోంది.
