“ఆసిఫ్నగర్కు చెందిన దుర్గమ్మ (80) కు వ్యాక్సిన్ వేయించేందుకు మనవడు బల్దియా హెల్ప్లైన్కు బుధవారం ఉదయం ఫోన్ చేసిండు. వ్యాక్సినేషన్ డిపార్ట్మెంట్నంబర్ కలవడం లేదని, సాయంత్రం చేయమని చెప్పారు. సాయంత్రం 5:15 గంటలకు ఫోన్ చేస్తే కాల్ బిజీ వస్తుందని, మళ్లీ కాల్ చేయమని సమాధానం ఇచ్చారు. ఇలా ఎన్నిసార్లు చేసినా స్పందించడం లేదు.’’
“మాదాపూర్ కు చెందిన రిటైర్డ్ ఉద్యోగి లక్ష్మయ్య బల్దియా ప్రకటన చూసి బూస్టర్ డోస్ వేయించుకునేందుకు హెల్ప్ లైన్ నంబర్కు మంగళవారం కాల్ చేసిండు. ఈరోజే డ్రైవ్ స్టార్ట్అయిందని, వ్యాక్సినేషన్ డిపార్ట్మెంట్ వాళ్ల నంబర్బిజీ వస్తుందని, తర్వాత చేయమని సమాధానం ఇచ్చారు. మరుసటి రోజు చేసినా కూడా అదే సమాధానం వచ్చింది. బయటకు వెళ్లే ఓపీక లేకున్నా కూడా వేరే చోటకు పోయి బూస్టర్ డోస్ వ్యాక్సిన్ తీసుకుండు.’’
హైదరాబాద్, వెలుగు: బల్దియా ఏ పని సరిగా చేయట్లేదు. చేస్తున్నట్లు ప్రకటించడం, ఆతర్వాత చేతులెత్తేయడం అధికారులకు కామన్ అయింది. ఏదైనా పని చేసేముందు టార్గెట్ పెట్టుకోకుండానే తూతూమంత్రంగా చేసేసి మధ్యలోనే బ్రేక్పెట్టేస్తున్నారు. ఇష్టనుసారంగా తీసుకుంటున్న నిర్ణయాలతో జనానికి ఇబ్బందులు వస్తున్నాయి. గ్రేటర్ లో 60 ఏండ్లు నిండిన వారికి బూస్టర్ డోసుని ఇంటికొచ్చి అందిస్తామని ప్రకటించింది. హెల్ప్ లైన్ నంబర్కు ఎప్పుడు ఫోన్ చేసినా మళ్లీ చేయమనే రిప్లై వస్తుంది. ఎన్నిసార్లు చేసిన కూడా అదే సీన్ రిపీట్అవుతుండగా జనాల్లో అసహనం వ్యక్తమవుతుంది. సిటీలో బూస్టర్డోసు వ్యాక్సిన్ కి సంబంధించి ఐదారు నెంబర్ మాత్రమే ఉండగా, వారికి ఇన్ఫామ్ చేసేందుకు ప్రయత్నిస్తే ఫోన్ కలవడంలేదని బల్దియా టెలికాలర్ చెబుతున్నారు. ఈ నెల 1 నుంచిహెల్ప్ లైన్ నంబర్ 040–21111111 కి ఫోన్ చేస్తే ఇంటికి వచ్చి బూస్టర్ డోస్ అందిస్తామని బల్దియా ప్రకటించింది. రెండు రోజులుగా బూస్టర్డోసు కావాలంటూ ఫోన్ చేస్తున్న వారికి సరైన సమాధానం ఇవ్వడంలేదు. దీంతో 60 ఏండ్లు ఉండి బయటకు వెళ్లలేని పరిస్థితిలో ఉన్న వారు బూస్టర్ డోస్ కోసం వెయిట్చేస్తున్నారు. బల్దియా నుంచి ఎలాంటి సమాధానం రావడంలేదు. దీనిపై ఉన్నతాధికారులను అడిగితే ఇబ్బంది ఉండకుండా చూస్తామని చెబుతున్నారు.
ఫోన్ బిజీ వస్తుందంటూ..
బల్దియా హెల్ప్ లైన్ నంబర్కు ఉదయం ఫోన్చేస్తే సాయంత్రం చేయమని చెబుతున్నారు. మళ్లీ సాయంత్రం కాల్ చేస్తే వ్యాక్సినేషన్ డిపార్ట్మెంట్ నంబర్ బిజీగా వస్తుందని, గంట తర్వాత చేయమని అంటున్నారు. ఇలా ఎప్పుడు చేసినా కూడా ఏదో ఒకసాకు చెబుతూ కాల్ కట్చేస్తున్నారే తప్ప వ్యాక్సిన్ పై వివరాలు చెప్పడం లేదని పలువురు ఆగ్రహం వ్యక్తం చేస్తున్నారు. బల్దియా సిబ్బంది ఇంటికొచ్చి ఇయ్యమని చెప్పినా తాము హెల్ప్ లైన్ నంబర్కు కాల్ చేసి ఉండేది కాదని వృద్ధులు అసహనం వ్యక్తం చేస్తున్నారు. కనీసం సిటీలోని ఓల్డేజ్ హోమ్ల్లోని పెద్దవారికి కూడా బూస్టర్ డోస్ వ్యాక్సిన్ అందించడంలేదు.
కో ఆర్డినేషన్ లేకనే..
బల్దియా, వైద్యారోగ్యశాఖ అధికారుల మధ్య కో ఆర్డినేషన్లేకపోవడంతోనే ప్రజలు ఇబ్బందులు పడుతున్నారు. బల్దియా హెల్ప్ లైన్ నంబర్కు బదులుగా నేరుగా వ్యాక్సిన్ అందించేవారి కాంటాక్ట్నంబర్లు ఏర్పాటు చేస్తే వ్యాక్సిన్అందే అవకాశముంది. దీనిని బల్దియా అధికారులు పట్టించుకోవడంలేదు. వైద్యారోగ్యశాఖ అధికారులకు అడిగితే తమ దృష్టికి బల్దియా వారు తీసుకొస్తే బూస్టర్ డోస్ వేసేందుకు రెడీగా ఉన్నామని సమాధానం ఇస్తున్నారు
