- డాక్టర్ నిర్లక్ష్యమే కారణమంటూ కుటుంబీకుల ఆందోళన
భైంసా, వెలుగు: భైంసా పట్టణంలోని సాయిసుప్రియ మల్టీ స్పెషాలిటీ హాస్పిటల్లో ఆపరేషన్వికటించి ఓ బాలిక మృతి చెందింది. డాక్టర్ నిర్లక్ష్యం కారణంగానే బాలిక చనిపోయిందని కుటుంబీకులు ఆందోళనకు దిగారు. వారు తెలిపిన వివరాల ప్రకారం.. కుభీర్ మండల కేంద్రానికి చెందిన పల్లవి (14) గత ఐదు రోజులుగా తీవ్ర కడుపునొప్పితో బాధపడుతుండడంతో.. శుక్రవారం రాత్రి భైంసాలోని సాయి సుప్రియ హాస్పిటల్కు తీసుకువచ్చారు.
స్కానింగ్తీసి రిపోర్టుల ఆధారంగా సర్జరీ చేయాలని డాక్టర్రజినీకాంత్చెప్పడంతో కుటుంబీకులు అంగీకరించారు. దీంతో శుక్రవారం రాత్రి ఆపరేషన్ చేశారు. కానీ శనివారం ఉదయం 9గంటలకు బాలిక చనిపోయింది. డాక్టర్ నిర్లక్ష్యం మూలంగానే బాలిక మృతి చెందిందని, సదరు డాక్టర్పై చర్యలు తీసుకోవాలని డిమాండ్ చేస్తూ కుటుంబసభ్యులు హాస్పిటల్ముందు భైఠాయించి రాస్తారోకో చేపట్టారు. ఈ సమాచారం అందుకున్న పట్టణ సీఐ రాజారెడ్డి అక్కడికి చేరుకొని వారితో మాట్లాడి ఆందోళన విరమింపజేశారు. ఆ తర్వాత వారు పోలీస్ స్టేషన్లో ఫిర్యాదు చేశారు.
