కీసర, వెలుగు: కీసర కేజీబీవీ హాస్టల్లో ఎలుకల బెడద ఎక్కువైంది. ఆదివారం నిద్రపోతున్న పలువురు స్టూడెంట్లను కరిచాయి. ఈ విషయం బయటికి రాకుండా ప్రిన్సిపాల్ మహాలక్ష్మి, హాస్టల్వార్డెన్ మ్యానేజ్చేస్తున్నారు. కీసర ప్రభుత్వ దవఖానాలో బాధిత స్టూడెంట్లకు వైద్యం అందించి జాగ్రత్త పడ్డారు. కొన్నిరోజులుగా ఇదే సమస్య ఉన్నా కనీస చర్యలు తీసుకోవడం లేదని తెలుస్తోంది.
ఎలుకలు కరిచిన విషయాన్ని ప్రిన్సిపాల్కనీసం స్టూడెంట్ల తల్లిదండ్రులకు కూడా చెప్పలేదు. సోమవారం ఉదయం మీడియా ప్రతినిధులు స్కూల్వద్దకు వెళ్లగా లోపలికి అనుమతించలేదు. ప్రభుత్వ ఆసుపత్రిలో ట్రీట్మెంట్ తీసుకుంటున్న విద్యార్థుల ఫొటోలు బయటకు వచ్చాయి.
