ఇంటర్​ ఫలితాల్లో సత్తా చాటిన నిజామాబాద్ గర్ల్స్

నిజామాబాద్​/ కామారెడ్డి, వెలుగు
ఇంటర్మీడియట్ ఫలితాల్లో  ఉమ్మడి నిజామాబాద్​ జిల్లాలో అమ్మాయిలు సత్తా చాటారు.  ఇంటర్​ ఫలితాల్లో నిజామాబాద్ జిల్లా 60 శాతం ఫలితాలు సాధించింది. ఎప్పటి లాగే ఈసారి  ఉత్తీర్ణతలో బాలికలు పైచేయి సాధించారు. రాష్ట్ర స్థాయి ర్యాంకులు సాధించిన విద్యార్థులను ఆయా కాలేజీ మెనేజ్​మెంట్లు మంగళవారం సాయంత్రం సన్మానించాయి. నిజామాబాద్​ జిల్లాలో  ఇంటర్​ మొదటి సంవత్సరం పరీక్షలు 15,315 మంది రాయగా  7,782 పాసై 58 శాతం  ఉత్తీర్ణత సాధించారని జిలా ఇంటర్​విద్యాధికారి రఘురాజ్​ తెలిపారు.  రెండో సంవత్సరం పరీక్షలు 14,086 మంది విద్యార్థులు రాయగా 8,561 మంది విద్యార్థులు పాస్​ అయ్యారని వివరించారు.  వారిలో బాలురు 6,391 కాగా బాలికలు 3,284 ఉన్నారన్నారు.  బాలికలు 7,695 మంది పరీక్షలకు హాజరు కాగా 5,277 మంది పాస్ అయ్యారని చెప్పారు. ఇంటర్​ ఫస్ట్​ ఇయర్​లో 15 మంది రాష్ట్ర స్థాయి ర్యాంకులు సాధించారన్నారు. .  

13వ స్థానంలో కామారెడ్డి జిల్లా ..

ఇంటర్మీడియట్ ఫలితాల్లో కామారెడ్డి జిల్లా స్టేట్​లో 13వ స్థానంలో నిలిచింది. ఫలితాల్లో అమ్మాయిలే సత్తా చాటారు.  గవర్నమెంట్ కాలేజీల్లోనూ మెరుగైన ఫలితాలు వచ్చాయి.  ప్రభుత్వ, ప్రైవేట్​ కాలేజీలకు చెందిన స్టూడెంట్స్ అత్యుత్తమ మార్కులు సాధించారు. సెకండియర్​లో   67 శాతం,  ఫస్ట్ ఇయర్​లో  50 శాతం  మంది స్టూడెంట్స్ పాస్​ అయ్యారు. ​

5,064 మంది స్టూడెంట్స్​ పాస్..

సెకండియర్​లో   మొత్తం  7,543  మంది స్టూడెంట్స్​ హాజరు కాగా ఇందులో  5,064 మంది స్టూడెంట్స్​ పాస్​ అయ్యారు.  మొత్తం 3,814 మంది  అమ్మాయిలలో 2,787 మంది ,  బాయిస్​   3,729 మందిలో   2,277 మంది పాస్​ అయ్యారు. ఫస్ట్​ ఇయర్​లో  మొత్తం  8,262 మంది స్టూడెంట్స్​ పరీక్షకు హాజరయితే    4,146 మంది పాస్​ అయ్యారు.  4,119 మంది అమ్మాయిలుఎగ్జామ్​కు  హాజరయితే  2,334 మంది,  అబ్బాయిలు  4,143 మందిలో  1,812 మంది పాస్​ అయ్యారు.  వొకేషనల్​​ సెకండ్​ ఇయర్​లో   మొత్తం  1,003 మంది స్టూడెంట్స్​కు గాను   676 మంది పాస్​ అయ్యారు.  ఫస్ట్​ ఇయర్​లో  1,261 మందికి గాను   699 మంది ఫాస్​ అయ్యారు. 

గవర్నమెంట్​ కాలేజీల్లో..

గవర్నమెంట్​ కాలేజీలో కూడా  మంచి ఫలితాలు వచ్చాయి.   పలు కాలేజీలకు చెందిన స్టూడెంట్స్​ రాష్ర్ట స్థాయిలో మంచి మార్కులు  సాధించారు.  భిక్కనూరు గవర్నమెంట్ కాలేజీకి చెందిన స్టూడెంట్ యోగేశ్​ కు  ఇంగ్లీష్​ మీడియం ఎంపీసీలో ఇ988 మార్కులు వచ్చాయి.  తెలుగు మీడియంలో  భవానీకి  967 మార్కులు వచ్చాయి.  లింగంపేట గవర్నమెంట్​ కాలేజీ స్టూడెంట్  ఉదయ్​ తేజకు  బైపీసీలో  950 మార్కులు,  ఎంపీసీలో  అక్షితకు  945 మార్కులు వచ్చాయి.  రామారెడ్డి కాలేజీ స్టూడెంట్  శివానీకి బైపీసీలో   977 మార్కులు వచ్చాయి.

మిగతా కాలేజీల్లోనూ

కామారెడ్డి జిల్లా కేంద్రంలోని సాందీపని కాలేజీ స్టూడెంట్స్​ ఇంటర్​ ఫలితాల్లో  తమ సత్తా చాటారు.  సెకండ్​ ఇయర్ ఎంపీసీలో  ఎండీ జహీంగీర్​  989 మార్కులు,   సింధూరికి  987 , ఫాతిమాకు  986  మార్కులు వచ్చాయి.  బైపీసీలో  నవీనాకు 991, సయ్యద సఫా అసిమాకు 989 , సీఈసీలో  హీబా షజాకు 976,  ఎంఈసీలో  హరికకు  973 మార్కులు వచ్చాయి.  ఫస్ట్ ఇయర్​ ఎంపీసీలో సుప్రత, స్ఫూ ర్తిలకు 466 చొప్పున,   బైపీసీలో కె.అఖిలకు  433, రియాజ్​ఖాన్​కు 430, సీఈసీలో   అజయ్​కుమార్​కు  476,   ఎంఈసీలో  దిషాజైన్​479 మార్కులు సాధించినట్లు  విద్యా సంస్థల యాజమాన్యం ప్రతినిధులు తెలిపారు. వశిష్ట జూనియర్​ కాలేజీ  సెకండ్​ ఇయ్యర్​స్టూడెంట్స్​    అప్స కుల్సుమ్​  979,   సీఈసీలో  మదినా నాజ్​  972 మార్కులు సాధించారు.  బైపీసీలో  రింశా పర్వీన్​  427 మార్కులు సాధించారు.    ఎస్​ఆర్​కె జూనియర్​ కాలేజీ..  ఫస్ట్​ ఇయర్​లో  ఎంపీసీలో స్నేహా  452 మార్కులు సాధించి  టాపర్​గా నిలిచింది.