క్రికెట్ లో ఆల్ రౌండర్ గా ఎదగాలంటే అంత సామాన్యమైన విషయం కాదు. బ్యాటింగ్, బౌలింగ్ మీద సమానంగా దృష్టి పెట్టాల్సి ఉంటుంది. ప్రస్తుత తరంలో ఆల్ రౌండర్ ల సంఖ్య బాగా తగ్గిపోయింది. బ్యాటింగ్, బౌలింగ్ లో స్పెషలిస్ట్ గా మారే ప్రయత్నం చేస్తున్నారు గాని ఎవరూ కూడా ఆల్ రౌండర్ గా మారడానికి ఆసక్తి చూపించట్లేదు. అయితే న్యూజిలాండ్ క్రికెటర్ గ్లెన్ ఫిలిప్స్ మాత్రం ఒక విషయంలో అందరినీ ఆశ్చర్యపరుస్తున్నాడు.
బ్యాటింగ్, బౌలింగ్ లో అదరగొడుతూ వికెట్ కీపింగ్ లోనూ సత్తా చాటగలడు. ప్రస్తుతం ఆస్ట్రేలియాపై జరుగుతున్న టెస్ట్ సిరీస్ లో ఈ కివీస్ ఆల్ రౌండర్ బ్యాటింగ్ లో తొలి ఇన్నింగ్స్ లో 70 బంతుల్లో 13 ఫోర్లతో 71 పరుగులు చేసి టాప్ స్కోరర్ గా నిలిచాడు. ఈ మ్యాచ్ రెండో ఇన్నింగ్స్ లో తన స్పిన్ మ్యాజిక్ తో 5 వికెట్లను పడగొట్టి ఆసీస్ 164 పరుగులకు ఆలౌట్ కావడంలో కీలక పాత్ర పోషించాడు. బ్యాటింగ్ , బౌలింగ్ తో పాటు ఫిలిప్స్ వికెట్ కీపింగ్ కూడా చేయగలడు. ఇంటర్నేషనల్ క్రికెట్ లో తనలోని మూడు కోణాలు చూపిస్తూ ఆశ్చర్యపరుస్తున్నాడు.
also read : IPL 2024: లక్నో సూపర్ జయింట్స్ అసిస్టెంట్ కోచ్‌గా దక్షిణాఫ్రికా దిగ్గజం
ఫిలిప్స్ ఐపీఎల్ లో సన్ రైజర్స్ జట్టు తరపున ఆడుతున్నాడు. మార్కో జాన్సెన్, మార్కరం, కమిన్స్, హెడ్, హసరంగా లాంటి టాప్ ప్లేయర్స్ ఇప్పటికీ టాప్ ఫామ్ లో ఉన్నారు. తాజాగా ఫిలిప్స్ ఆల్ రౌండ్ షో తెలుగు అభిమానులను ఖుషీ చేస్తుంది. ఈ కివీస్ క్రికెటర్ లోయర్ ఆర్డర్ లో భారీ హిట్టింగ్ చేయడంతో పాటు.. స్పిన్ బౌలింగ్ వేయగలడు. అవసరమైతే వికెట్ కీపర్ గాను అతని సేవలను వాడుకోవచ్చు. మరి ఫామ్ లో ఉన్న ఫిలిప్స్ ను సన్ రైజర్స్ ఏ విధంగా వాడుకుంటుందో చూడాలి.
Glenn Phillips on 🔥 today pic.twitter.com/liiGkEKv8q
— ESPNcricinfo (@ESPNcricinfo) March 2, 2024
