గోదావరిఖని, వెలుగు: మహారాష్ట్రకు గంజాయి తరలిస్తున్న వ్యక్తిని గోదావరిఖని వన్‌ టౌన్ పోలీసులు అరెస్ట్ చేశారు. ఏసీపీ రమేశ్ వివరాల ప్రకారం.. ఏప్రిల్‌‌‌‌లో గోదావరిఖని అడ్డగుంటపల్లి వద్ద గంజాయిని అమ్ముతుండగా బీరనేని అభిలాశ్ అలియాస్‌ చంటి, అన్వర్, చిక్కుడు రాహుల్‌‌‌‌ను పోలీసులు అదుపులోకి తీసుకున్నారు. ఆ సమయంలో గోదావరిఖని తిలక్నగర్కు చెందిన తాండ్ర అవినాశ్‌ తప్పించుకుని హైదరాబాద్ పారిపోయాడు.
అక్కడ క్యాబ్ డ్రైవర్గా పనిచేస్తూ ఖాళీ టైంలో ఒడిశాకు వెళ్లి గంజాయిని తీసుకువచ్చి అమ్మేవాడు. కాగా బైక్పై హైదరాబాద్ నుంచి గోదావరిఖని మీదుగా మహారాష్ట్రకు గంజాయి తీసుకెళ్తుండగా పోలీసులు అవినాశ్‌‌‌‌ను అదుపులోకి తీసుకొని అరెస్ట్ చేశారు. అతని వద్ద 5.50కేజీల గంజాయిని స్వాధీనం చేసుకున్నారు. సీఐ ఇంద్రసేనారెడ్డి, ఎస్ఐ శ్రీనివాస్, సిబ్బంది పాల్గొన్నారు.
