సికింద్రాబాద్ లోని ముత్యాలమ్మ ఆలయం దగ్గర ఉద్రిక్తత నెలకొంది. గుర్తు తెలియని వ్యక్తులు ఆలయంలోని అమ్మవారి విగ్రహాన్ని ధ్వంసం చేశారు. గర్భగుడి నుంచి విగ్రహాన్ని బయట విసిరేశారు. హిందూ సంఘాలు, స్థానికులు భారీగా చేరుకుని ఆందోళనకు దిగారు. ఈ ఆందోళనలో స్థానిక బీజేపీ కార్పొరేటర్ కొంతం దీపిక పాల్గొన్నారు.
పరిస్థితి ఉద్రిక్తంగా మారడంతో పోలీసులు భారీగా మోహరించారు. నార్త్ జోన్ డీసీపీ సాదాన రష్మి పెరుమాళ్ సంఘటనా స్థలానికి చేరుకున్నారు. కేసు నమోదు చేసుకుని దర్యాప్తు చేస్తున్నారు పోలీసులు.
