భైంసా, వెలుగు: నిర్మల్జిల్లా ముథోల్నియోజకవర్గంలో సేవా కార్యక్రమాలు చేస్తున్న డాక్టర్కిరణ్ ఫౌండేషన్చైర్మన్ డా.కిరణ్త్వరలోనే ప్రత్యక్ష రాజకీయాల్లోకి రాబోతున్నారు. ముథోల్ నుంచి పోలిటికల్ఎంట్రీ ఇచ్చేందుకు ఇప్పటికే ఫౌండేషన్సభ్యులు, మున్నూరు కాపులు, ఇతర ముఖ్య నేతలతో పలు దఫాలుగా చర్చలు జరిపారు. కాగా ఆయన త్వరలోనే కాంగ్రెస్గూటికి చేరబోతున్నట్లు తెలుస్తోంది.
కాంగ్రెస్లో బీసీలకు మొదటి ప్రాధాన్యం ఇవ్వనున్నట్లు వార్తలు వెలువడిన నేపథ్యంలో ఆయన ఈ నిర్ణయం తీసుకున్నట్లు సమాచారం. నిర్మల్ నేత శ్రీహరి రావుతో కలిసి ఆదివారం ఆయన హైదరాబాద్లో టీపీసీసీ చీఫ్ రేవంత్రెడ్డితో భేటీ అయ్యారు. అనంతరం మీడియాతో మాట్లాడుతూ.. కాంగ్రెస్లోకి రావాలని రేవంత్రెడ్డి సూచించినట్లు తెలిపారు. త్వరలోనే తుది నిర్ణయం తీసుకుంటానని కిరణ్ వెల్లడించారు. వచ్చే ఎన్నికల్లో ముథోల్నియోజకవర్గ ప్రజలు అవకాశమిస్తే ఎమ్మెల్యేగా పోటీ చేసేందుకు సిద్ధంగా ఉన్నానన్నారు.
