- నెల రోజుల పాటు అమ్మవారికి తొమ్మిది పూజలు
మెహిదీపట్నం, వెలుగు:చారిత్రాత్మక గోల్కొండ కోట శ్రీజగదాంబికా మహంకాళి (ఎల్లమ్మ) అమ్మవారి బోనాల జాతర జులై 7న ప్రారంభం కానుంది. జాతర సందర్భం గా నెల రోజుల పాటు అమ్మవారికి అత్యంత వైభవంగా తొమ్మిది రకాల పూజలు నిర్వహిస్తారు.
ఈ బోనాల జాతరకు రాష్ట్ర దేవాదాయ శాఖ ఆధ్వర్యంలో ఏర్పాట్లు చేస్తున్నామని గోల్కొండ శ్రీజగదాంబిక మహంకాళి దేవాలయం వర్కర్స్ ప్రెసిడెంట్ సాయిబాబా ఓ ప్రకటనలో తెలిపారు. నెల రోజులపాటు అమ్మవారికి ప్రతి ఆది, గురువారాల్లో మొత్తం 9 రకాల పూజలు చేస్తామని ఆయన పేర్కొన్నారు.
7వ తేదీ మొదటి పూజ, 11న రెండో పూజ, 14న మూడో పూజ, 18న నాలుగో పూజ, 21న ఐదో పూజ, 25న ఆరో పూజ, 28న ఏడో పూజ, ఆగస్టు 1న 8వ పూజ, నాలుగో తేదీన 9వ పూజతో బోనాల జాతర ముగుస్తుందని సాయిబాబా చెప్పారు.
