
హైదరాబాద్, వెలుగు: కాకా డాక్టర్ బీఆర్ అంబేద్కర్ లా కాలేజీకి చెందిన ఇద్దరు స్టూడెంట్లు గోల్డ్ మెడల్స్ సాధించారు. బుధవారం నిర్వహించిన ఓయూ 81వ కాన్వొకేషన్లో ఎల్ఎల్బీ 2017–20 బ్యాచుకు చెందిన స్టూడెంట్లు ఈ మెడల్స్ అందుకున్నారు. హిందూచట్టంలో ట్యాలెంట్ చూపించిన తుబా ఫాతిమా అనే స్టూడెంట్ ‘బుసిరెడ్డి లక్ష్మమ్మ అండ్ బుసిరెడ్డి చెన్నప్పరెడ్డి మెమోరియాల్’ గోల్డ్ మెడల్ పొందింది. షాఫియా బేగం అనే మరో విద్యార్థి క్రిమినల్ ప్రొసీజర్ కోడ్ విభాగంలో జస్టిస్ ఎస్. ఓబుల్ రెడ్డి మెమోరియల్ గోల్డ్ మెడల్ను సాధించింది. గోల్డ్ మెడల్స్ సాధించిన స్టూడెంట్లను కాకా డాక్టర్ బీఆర్ అంబేద్కర్ లా కాలేజీ చైర్మన్ వివేక్ వెంకటస్వామి, కరస్పాండెంట్ సరోజ వివేక్, ప్రిన్సిపాల్, సిబ్బంది అభినందించారు. తోటి స్టూడెంట్లకు వారు ఆదర్శంగా నిలుస్తారన్నారు.