2025 ఫిబ్రవరి నెలలో చివరి రోజైన ఫిబ్రవరి 28న బంగారం ధరలు కొనుగోలుదారులకు కాస్తంత ఊరటనిచ్చాయి. 24 క్యారెట్ల బంగారం 10 గ్రాముల ధరపై 540 రూపాయలు తగ్గింది. దీంతో.. హైదరాబాద్ నగరంలో శుక్రవారం(ఫిబ్రవరి 28, 2025) 24 క్యారెట్ల బంగారం 10 గ్రాముల ధర 86,840 రూపాయలుగా ఉంది. 22 క్యారెట్ల బంగారం ధర కూడా 10 గ్రాములపై 500 రూపాయలు తగ్గి 79,600 వద్ద నిలిచింది.
ఇక.. ఈ ఫిబ్రవరి నెల 1వ తేదీ నుంచి నెల ముగిసే వరకూ బంగారం ధరల ట్రెండ్ను ఒక్కసారి పరిశీలిస్తే.. ఫిబ్రవరి 1న 24 క్యారెట్ల బంగారం 10 గ్రాముల ధర 84,490 రూపాయలు. ఇదే బంగారం నెలాఖరుకు 86,840 రూపాయలకు చేరింది. అంటే.. 28 రోజుల్లో 24 క్యారెట్ల బంగారం ధర 10 గ్రాములపై 2,350 రూపాయలు పెరిగింది. 22 క్యారెట్ల బంగారం విషయానికొస్తే.. ఫిబ్రవరి 1న 77,450 రూపాయలు ఉండగా.. ఫిబ్రవరి 28న 79,600 రూపాయలు పలికింది.
22 క్యారెట్ల బంగారం ఫిబ్రవరి 1తో పోల్చితే ఫిబ్రవరి 28 నాటికి 2,150 రూపాయలు పెరిగింది. ఇక.. వెండి ధరలను ఒక్కసారి గమనిస్తే.. ఫిబ్రవరి 28న కిలోపై వెండి ధర వెయ్యి రూపాయలు తగ్గింది. ఫిబ్రవరి 27న కిలో వెండి ధర లక్షా 6 వేలు ఉండగా.. ఇవాళ లక్షా 5 వేలుగా ఉంది. బంగారం ధరల్లో హెచ్చుతగ్గులు పలు అంశాలపై ఆధారపడి ఉంటాయి.
Also Read:-జియో ఎలక్ట్రిక్ సైకిల్ వచ్చేస్తోందా..? ఒక్కసారి ఛార్జ్ చేస్తే చాలు..
గ్లోబల్‌‌గా అనిశ్చితి నెలకొనడడంతో ఇన్వెస్టర్లు షేర్లు వంటి రిస్క్ ఎక్కువగా ఉన్న అసెట్స్‌ నుంచి ఫండ్స్ విత్‌‌డ్రా చేసుకుంటున్నారని, గోల్డ్ వంటి సేఫ్ అసెట్స్‌‌లో పెడుతున్నారని అనలిస్టులు పేర్కొన్నారు. బంగారం ధరలను ప్రపంచ దేశాల్లో నెలకొన్న పరిస్థితులు, దేశీయ అంశాలు ప్రభావితం చేస్తున్నాయి. సుంకాలపై ఆర్థిక అనిశ్చితి, ఆర్థిక లోటులు, డీడాలరైజేషన్, ట్రంప్ వాణిజ్య విధానాలు, భౌగోళిక రాజకీయ ఉద్రిక్తతలు వంటి అంశాలు బంగారం ధరల్లో పెరుగుదలను ప్రభావితం చేస్తున్నాయి.
బంగారం ధరల పెరుగుదల, తగ్గుదల వంటివి అమెరికా వాణిజ్య విధానాలు, ఫెడరల్ రిజర్వ్ నిర్ణయాలు, ప్రపంచ మార్కెట్ కదలికలు వంటి అంశాలపై ఆధారపడి ఉంటుంది. ఈ రంగాలలో ఏవైనా ముఖ్యమైన మార్పులు జరిగితే బంగారం ధరలలో మరింత హెచ్చుతగ్గులకు దారితీయవచ్చు.
