సుజాతనగర్, వెలుగు : భద్రాద్రి కొత్తగూడెం జిల్లా సుజాతనగర్ మండల కేంద్రంలో గోల్డ్ షాపు గోడకు కన్నం వేసి సుమారు రూ.50 లక్షల విలువ చేసే నగలు ఎత్తుకెళ్లారు. భవాని జ్యువెల్లరీ షాపు గత నెల 31నుంచి మూసి ఉంది. ఆదివారం షాపు ఓనర్ షట్టర్ తీసి చూడగా లాకర్లు పగులగొట్టి ఉండడంతో పోలీసులకు కంప్లైంట్ చేశాడు. పోలీసులు సీసీ ఫుటేజీ పరిశీలించగా ఈనెల 1వ తారీఖు అర్ధరాత్రి ఇద్దరు వ్యక్తులు షాపు వెనుక నున్న మరో షాపు నుంచి గోడకు కన్నం వేసి షాపులోకి ప్రవేశించినట్లు ఉంది. గ్యాస్ కట్టర్ల సహాయంతో లాకర్ ఓపెన్ చేసి రూ.50 లక్షల విలువైన బంగారు నగలు చోరీ చేసినట్లు గుర్తించారు. క్లూస్ టీం సాయంతో వేలిముద్రలు సేకరించారు. చోరీ చేసిన ఇద్దరూ వేరే రాష్ట్రానికి చెందిన వారిగా పోలీసులు అనుమానిస్తున్నారు.
