- గోండ్వాన సంక్షేమ పరిషత్ ఆధ్వర్యంలో ఐటీడీఏ ఎదుట నిరసన
భద్రాచలం, వెలుగు : భద్రాచలంలో లా కాలేజీని ఏర్పాటు చేయాలని డిమాండ్ చేస్తూ సోమవారం ఐటీడీఏ ఎదుట గోండ్వాన సంక్షేమ పరిషత్ ఆధ్వర్యంలో ధర్నా చేశారు. పీవో ప్రతీక్జైన్కు వినతిపత్రం ఇచ్చి భద్రాచలంలో లా కాలేజీని ఏర్పాటు చేసేందుకు ప్రభుత్వానికి సిఫార్స్ చేయాలని సంఘం రాష్ట్ర అధ్యక్షుడు పాయం సత్యనారాయణ కోరారు.
ఐదవ షెడ్యూల్ ప్రాంతమైన ఏజెన్సీకి మధ్యలో ఉన్న భద్రాచలంలో లా కాలేజీ ఏర్పాటు చేస్తే ఆదివాసీలు న్యాయశాస్త్రం చదువుకునే వీలు కలుగుతుందన్నారు. జూన్ మొదటి వారంలో హైదరాబాద్‌ ఇందిరాపార్కు వద్ద ధర్నా చేస్తామని వెల్లడించారు. కార్యక్రమంలో రాష్ట్ర ప్రధాన కార్యదర్శి కీసర రాంబాబు, పూనెం సాయి, ములుగు జిల్లా ప్రధాన కార్యదర్శి కణితి వెంకటకృష్ణ తదితరులు పాల్గొన్నారు.
