రైల్వే రిక్రూట్‌మెంట్ బోర్డ్ (RRB) భారతీయ రైల్వేలోని వివిధ జోన్‌లలో జూనియర్ ఇంజనీర్లు, ఇతర టెక్నికల్ పోస్టుల భర్తీకి నోటిఫికేషన్ విడుదల చేసింది. జూనియర్ ఇంజనీర్, డిపో మెటీరియల్ సూపరింటెండెంట్, కెమికల్, మెటలర్జికల్ అసిస్టెంట్, కెమికల్ సూపర్‌వైజర్ (పరిశోధన), మెటలర్జికల్ సూపర్‌వైజర్ (పరిశోధన) సహా 7,951 పోస్టులను భర్తీ చేయడం కోసం నోటిఫికేషన్ విడుదల చేసింది.
RRB రిక్రూట్‌మెంట్ 2024: ఎప్పుడు దరఖాస్తు చేయాలి?
ఆన్‌లైన్ దరఖాస్తు ప్రక్రియ జూలై 30న ప్రారంభమవుతుంది. దరఖాస్తు చేయడానికి చివరి తేదీ ఆగస్టు 29. ఆసక్తి గల అభ్యర్థులు తమ ప్రాంతానికి సంబంధించిన RRB జోన్ వెబ్‌సైట్‌లోని లింక్ ద్వారా దరఖాస్తు చేసుకోవాలి.
అర్హత ప్రమాణాలు:
వయోపరిమితి: అభ్యర్థులు తప్పనిసరిగా 18 నుంచి36 సంవత్సరాల మధ్య ఉండాలి.
విద్యార్హత: దరఖాస్తుదారులు సివిల్, మెకానికల్, ఎలక్ట్రికల్, ఎలక్ట్రానిక్స్ లేదా టెలికమ్యూనికేషన్ ఇంజనీరింగ్‌లో డిగ్రీ లేదా డిప్లొమా కలిగి ఉండాలి.
ఎలా దరఖాస్తు చేయాలి..?
మీ జోన్ కోసం అధికారిక RRB వెబ్‌సైట్‌ను సందర్శించండి.
యాక్టివేట్ అయిన తర్వాత JE రిక్రూట్‌మెంట్ లింక్‌పై క్లిక్ చేయండి.
మీ అప్లికేషన్ నంబర్.. పుట్టిన తేదీతో నమోదు చేసుకోండి.
దరఖాస్తు ఫారమ్‌ను పూరించండి.
దరఖాస్తు రుసుము చెల్లించండి.
భవిష్యత్ ఉపయోగం కోసం రసీదు ఫారమ్‌ను డౌన్‌లోడ్ చేసి, సేవ్ చేయండి.
దరఖాస్తు రుసుము వివరాలు:
దరఖాస్తు ఫీజు జనరల్ అభ్యర్థులకు రూ.500
ఎస్సీ, ఎస్టీ, ఆర్థికంగా బలహీన వర్గాలు, మహిళా అభ్యర్థులకు ఫీజు రూ.250
దరఖాస్తు ఫారమ్‌లో ఏవైనా సవరణల కోసం రూ. 250 రుసుము చెల్లించాల్సి ఉంటుంది
ఎంపిక ప్రక్రియ ఇలా..!
నియామక ప్రక్రియ మూడు దశలను కలిగి ఉంటుంది:
దశ 1: కంప్యూటర్ ఆధారిత పరీక్ష.
దశ 2: కంప్యూటర్ ఆధారిత పరీక్ష.
జీతం వివరాలు:
జూనియర్ ఇంజనీర్ స్థానానికి ఎంపికైన అభ్యర్థులు జీతం, వివిధ అలవెన్సులు కలిపి నెలకు రూ. 35,400 జీతం పొందుతారు.
