నారాయణ్ ఖేడ్, వెలుగు: ప్రతి ఒక్కరూ 5 ఏళ్లలోపు పిల్లలకు పోలియో డ్రాప్స్ వేయించాలని ఎమ్మెల్యే సంజీవరెడ్డి సూచించారు. ఆదివారం రాజీవ్ గాంధీ చౌక్ లో పోలియో డ్రాప్స్ కార్యక్రమం ప్రారంభించారు. అనంతరం మాట్లాడుతూ.. పట్టణంలోని అన్ని వార్డుల్లో పోలియో డ్రాప్స్ వేస్తున్నారన్నారు. ఆరోగ్యవంతమైన సమాజాన్ని నిర్మించడమే కాంగ్రెస్ ప్రభుత్వ లక్ష్యమన్నారు. ఆరు గ్యారంటీలకు అప్లై చేసుకున్న ప్రతి ఒక్కరికి న్యాయం చేస్తామని తెలిపారు. కార్యక్రమంలో మున్సిపల్ చైర్మన్ ఆనంద్ స్వరూప్ షెట్కార్, వైస్ చైర్మన్ శంకర్, కౌన్సిలర్లు, డిప్యూటీ డీఎంహచ్వో సంతోష్, మెడికల్ ఆఫీసర్ రాజేశ్వర్, హెల్త్ అసిస్టెంట్ భాస్కర్ పాల్గొన్నారు.
