- రైళ్ల రాకపోకలకు అంతరాయం
పెద్దపల్లి, వెలుగు: పెద్దపల్లి జిల్లాలో రాఘవాపూర్– కన్నాల మధ్య మంగళవారం రాత్రి ఘజియాబాద్నుంచి వస్తున్న గూడ్స్ రైలు పట్టాలు తప్పింది. ట్రాక్ కొంతమేర ధ్వంసం కావడంతో రెండు వైపులా రైళ్ల రాకపోకలు నిలిచిపోయినట్టు అధికారులు తెలిపారు.
పట్టాలపై నుంచి గూడ్స్ను తొలగించే పనుల్లో రైల్వే అధికారులు, సిబ్బంది నిమగ్నమయ్యారు. అదేవిధంగా ట్రాక్ రిపేర్లు చేపట్టారు. పూర్తి కావడానికి మరో 10 గంటలు పట్టొచ్చని అధికారులు పేర్కొంటున్నారు. రైళ్లను దారి మళ్లించనున్నట్లు చెప్పారు.
