ఆగండాగండి. నిజంగానే గూగుల్ సీఈవో అయిపోదామనుకుంటున్నారా ఏంటి? సీఈవోగా సుందర్ పిచాయ్ ఏం తప్పుకోలేదు. ఆయనింకా ఉన్నారు. కానీ, లింక్ డ్ ఇన్ లో జరిగిన ఓ చిన్న తప్పు కారణంగా, చాలా మందికి గూగుల్ సీఈవో పోస్టు ఆఫర్ వెళ్లింది. ఓ బగ్ వల్ల కంపెనీ అనుమతి లేకుండానే ఎవరైనా జాబ్ పోస్ట్ చేసేలా యూజర్లకు అనుమతి దొరికింది. లింక్ డ్ ఇన్
లోని ఏ బిజినెస్ పేజీలోనైనా జాబ్ పోస్ట్ చేసేలా లోపం తలెత్తింది. దీంతో సీఈవో ఆఫర్ వెళ్లిపోయింది. చాలా మంది గూగుల్ సెర్చ్ ఇంజన్ లో సీఈవో జాబ్ గురించి చాలా మంది వెతికారు. ఈ విషయాన్ని లింక్ డ్ ఇన్ ధ్రువీకరించింది. అయితే, లోపాన్ని సరిచేశామని, ఇకపై అలాంటి తప్పులేవీ జరగవని పేర్కొంది.
‘‘మా పోర్టల్ లో బగ్ వల్ల జాబ్ పోస్ట్ చేశాక యూజర్లు కంపెనీని ఎడిట్ చేసే అవకాశం కలిగింది. ఇలాంటి మోసపూరిత ప్రకటనలు మా కంపెనీ నియమ నిబంధనలకు విరుద్ధం ” అని ప్రకటించింది. ఘటన గురించి తెలిసిన వెంటనే దానిని సరిచేశామని తెలిపింది. ఓ కంపెనీ తరఫున మరో కంపెనీ జాబ్ లను పోస్ట్ చేయడానికి అనుమతి ఉన్నా , దానికి వేరే పార్టీ వాళ్ల అనుమతి కూడా తప్పనిసరి అని చెప్పింది. చిన్న, మధ్యస్తమైన కంపెనీలు జాబ్ లను ఫ్రీగా పోస్ట్ చేసేలా ఫ్రీ ట్రయల్స్ చేస్తున్నా మని, ఇప్పుడు గూగుల్ సీఈవో పోస్టును చేసిన కంపెనీ అందులో ఒ కటే నని పేర్కొంది. కాగా, మొట్టమొదటగా ఈ సమస్యను నెదర్లాండ్స్ కు చెందినమిషెల్ రైండర్స్ అనే రిక్రూటర్ గుర్తించారట. వెంటనే ఆ విషయాన్ని కంపెనీ దృష్టికి తీసుకెళ్లారాయన. దీంతో సమస్యేం టో లింక్‌‌డ్‌‌ఇన్‌ గుర్తించి దానిని పరిష్కరించింది.
