సైబర్ నేరాల నుంచి తప్పించుకోవాలంటే ఎప్పటికప్పుడు అలెర్ట్గా ఉండాలి. ఆయా కంపెనీలు కూడా సైబర్ సెక్యూరిటీని అందించడంలో ప్రయత్నాలు చేస్తున్నా యి. అందులో భాగంగానే గూగుల్ కంపెనీ సైబర్ సేఫ్టీ కోసం కొత్త ఫీచర్ తీసుకురానుంది. అందుకు ఏఐ సాయం తీసుకుంది. ఇంతకీ ఆ ఫీచర్ ఏంటంటే.. ఆటోమేటెడ్ పాస్వర్డ్ ఛేంజ్. ఈ ఫీచర్ పాస్వర్డ్లను ఆటోమెటిక్గా మార్చుకోగలదు. దీంతో యూజర్ల డేటాసురక్షితంగా ఉంటుంది.
గూగుల్ క్రోమ్లో ఈ ఫీచర్ అందుబాటులో ఉంటుంది. ఈ ఫీచర్ వస్తే పాస్వర్డ్ లీక్ అయిందని గూగుల్ క్రోమ్ గుర్తించిన వెంటనే ఏఐ సాయంతో ఆటోమెటిక్గా మార్చే స్తుంది. పాస్వర్డ్ మారిన తర్వాత దాన్ని గూగుల్ పాస్వర్డ్ మేనేజర్కు జోడిస్తుంది. ప్రస్తుతం ఈ ఫీచర్ టెస్టింగ్ దశలో ఉంది.
