గూగుల్ వర్చువల్ అసిస్టెంట్ ఎప్పటికప్పుడు కొత్త ఫీచర్లతో ముందుకొస్తుంది. ఇప్పటివరకు ఫోన్ ఇన్బాక్స్లోని మెసేజ్లను మాత్రమే చదివి వినిపించే గూగుల్ అసిస్టెంట్ ఇకపై ‘వాట్సాప్, టెలిగ్రామ్, స్లాక్’ వంటి థర్డ్పార్టీ యాప్లకు సంబంధించిన మెసేజ్లను కూడా చదివి వినిపిస్తుంది. ఇంతకుముందు ఈ ఫీచర్ గూగుల్ యాప్స్కు మాత్రమే పరిమితం. త్వరలో అందుబాటులోకి రానున్న అప్డేట్తో ఈ ఫీచర్ను యూజర్లు వాడుకోవచ్చు. ప్రస్తుతం మెసేజ్లు చదివే ఫీచర్ ఇంగ్లీష్కే పరిమితం.
ఇతర భాషల్లో అవకాశం లేదు. వాట్సాప్, టెలిగ్రామ్ వంటి యాప్లలో టెక్స్ట్ మెసేజ్లు మాత్రమే చదువుతుంది. ఒకవేళ మెసేజ్లలో ఫొటోలు, వీడియోలు ఉంటే ‘ద మెసేజ్ జస్ట్ కంటైన్స్ఎన్ ఆడియో/వీడియో అటాచ్మెంట్’ అని చదివి వినిపిస్తుంది. ఈ ఫీచర్ డ్రైవింగ్లో ఉండి మొబైల్ వాడలేనప్పుడు, వంట చేస్తున్నప్పుడు, ఏదైనా పని చేస్తూ బిజీగా ఉన్నప్పుడు ఉపయోగపడుతుంది. అయితే మెసేజ్లను బయటికి గట్టిగా చదివి వినిపించినా పర్లేదనుకునేవాళ్లు ఈ ఆప్షన్ సెలెక్ట్ చేసుకోవచ్చు.
