ఏ బ్రౌజర్లో అయినా గూగుల్ సెర్చ్ బార్ తప్పనిసరి. ఆండ్రాయిడ్ మొబైల్స్లో అయితే హోమ్ స్క్రీన్ మీదే గూగుల్ సెర్చ్ బార్ కనిపిస్తుంది. గూగుల్ ను ఏదైనా సెర్చ్చేసేందుకు, వాయిస్ కమాండ్ ఇచ్చేందుకు మాత్రమే వాడతాం. అయితే గూగుల్ సెర్చ్ బార్కు సంబంధించి కొన్ని ఆసక్తికర ఫీచర్లున్నాయి. తక్కువ మందికి తెలిసిన అలాంటి కొన్ని ఫీచర్లపై ఓ లుక్కేయండి.
టిక్–టాక్–టో
సిస్టమ్పై వర్క్ చేసేటప్పుడు బోర్ కొడుతోందా? కాస్త రిలాక్స్ అవ్వాలనుకుంటే గూగుల్ సెర్చ్ బార్లో టిక్–టాక్–టో ( Tic Tac Toe) అని టైప్ చేయండి. సెర్చ్ బార్ కింద చిన్న మైండ్ గేమ్ కనిపిస్తుంది. దీనిలో రకరకాల ఆప్షన్లుంటాయి. మీ మూడ్ను బట్టి గేమ్ సెలెక్ట్ చేసుకుని ఆడేయండి.
హ్యాండీ సెర్చ్
మీ ఆండ్రాయిడ్ మొబైల్లో గూగుల్సెర్చ్ చేయాలంటే ప్రత్యేకంగా సెర్చ్ బార్ను క్లిక్ చేయక్కర్లేదు. హోం బటన్ను కొద్ది సేపు ప్రెస్ చేస్తే గూగుల్ సెర్చ్ ఆప్షన్ కనిపిస్తుంది. వాటిలోంచి మీకు కావాల్సింది సెలెక్ట్ చేసుకోవచ్చు.
టైమర్
ఏదైనా పని చేసేటప్పుడు కొన్నిసార్లు టైమర్ అవసరం అవుతుంది. ఫిక్స్డ్ టైమ్ సెట్ చేసుకుని ఆలోపు పని పూర్తి చేయాలనుకుంటే ప్రత్యేకంగా యాప్ అవసరం లేదు. గూగుల్సెర్చ్ ఇంజిన్లో ‘టైమర్’ అని టైప్ చేస్తే చాలు. ఐదు నిమిషాల టైమర్ కనిపిస్తుంది. లేదా కావాల్సిన టైమ్ సెట్ చేసుకోవచ్చు.
జీమెయిలిఫై
జీ మెయిల్ కాకుండా నాన్ ఈ మెయిల్స్అయిన యాహూ, హాట్లుక్ వంటి వేరువేరు అకౌంట్లు వాడుతున్నారా? అయితే వాటికి వచ్చిన మెయిల్స్ను జీమెయిల్లోనే చూడొచ్చు. జీ మెయిల్ ఓపెన్ చేసి, సెట్టింగ్స్ ద్వారా జీమెయిలిఫై చేసుకుంటే అన్ని నాన్ జీమెయిల్ అకౌంట్లను ఒక్క చోట నుంచే చెక్చేసుకోవచ్చు.
సౌండ్ సెర్చ్ యాప్
ఏదైనా ఒక పాట లేదా బ్యాక్గ్రౌండ్ మ్యూజిక్ వంటివి విన్నప్పుడు దాని గురించి వివరాలు (సినిమా పేరు, సింగర్, మ్యూజిక్ డైరెక్టర్) కొన్నిసార్లు తెలియకపోవచ్చు. అలాంటప్పుడు ‘గూగుల్సౌండ్ సెర్చ్ యాప్’ వాడొచ్చు. ఈ యాప్ ఓపెన్ చేసి సాంగ్ ప్లే చేస్తే ఆ పాట వివరాలు కనిపిస్తాయి.
ఆస్క్యూ/టిల్ట్
గూగుల్లో మీ ఫ్రెండ్స్ ఏదైనా సెర్చ్చేస్తుంటే వాళ్లకు ఆస్క్యూ/టిల్ట్ (Askew/Tilt) లింక్ పంపండి. దాన్ని క్లిక్ చేస్తే వాళ్లు షాక్ అవ్వడం ఖాయం. ఎందుకంటే స్క్రీన్పై గూగుల్ సెర్చ్ పేజ్ వంగిపోయి కనిపిస్తుంది. కావాలంటే మీరూ ట్రై చేయొచ్చు.
