గోపీచంద్ హీరోగా శ్రీనువైట్ల దర్శకత్వంలో తెరకెక్కుతున్న చిత్రం ‘విశ్వం’. పీపుల్ మీడియా ఫ్యాక్టరీ, చిత్రాలయం స్టూడియోస్‌ బ్యానర్లపై టీజీ విశ్వ ప్రసాద్, వేణు దోనేపూడి నిర్మిస్తున్నారు. బుధవారం గోపీచంద్ పుట్టినరోజు. ఈ సందర్భంగా బర్త్ డే విషెస్ తెలియజేస్తూ కొత్త పోస్టర్‌‌‌‌‌‌‌‌‌‌‌‌‌‌‌‌ను విడుదల చేశారు. ట్రెండీ కాస్ట్యూమ్స్‌‌‌‌‌‌‌‌లో స్పోర్ట్స్ బైక్ నడుపుతూ స్టైలిష్‌‌‌‌‌‌‌‌గా కనిపించాడు గోపీచంద్.
ప్రస్తుతం ఈ మూవీ షూటింగ్ హైదరాబాద్‌‌‌‌‌‌‌‌లో జరుగుతోంది. గోపీచంద్ కెరీర్‌‌‌‌‌‌‌‌‌‌‌‌‌‌‌‌లో ఇది 32వ సినిమా. ఇప్పటికే విడుదలైన ఫస్ట్ స్ట్రైక్ వీడియోకు చక్కని స్పందన లభించింది. ఈ హై వోల్టేజ్ యాక్షన్ ఎంటర్‌‌‌‌‌‌‌‌టైనర్‌‌‌‌‌‌‌‌కు గోపీ మోహన్ స్క్రీన్‌‌‌‌‌‌‌‌ప్లే అందిస్తున్నాడు. కెవి గుహన్ సినిమాటోగ్రఫీ అందిస్తుండగా, చైతన్ భరద్వాజ్ సంగీతం సమకూరుస్తున్నాడు. గోపీచంద్ మార్క్ యాక్షన్‌‌‌‌‌‌‌‌తో పాటు శ్రీను వైట్ల మార్క్ వినోదం ఉండబోతోందని మేకర్స్ చెబుతున్నారు.
