లోకేష్ కు డిప్యూటీ సీఎం పదవి ఇవ్వాలంటూ టీడీపీ నేతలు డిమాండ్ చేయడం అధికార కూటమిలో గందరగోళం క్రియేట్ చేసింది. ఈ అంశంపై టీడీపీ అధిష్టానం సీరియస్ అవ్వడం, తనకు అలాంటి ఆలోచన లేదంటూ స్వయంగా లోకేష్ క్లారిటీ ఇచ్చి వివాదానికి ఫుల్ స్టాప్ పెట్టే ప్రయత్నం చేశారు. తాజాగా టీడీపీ ఎమ్మెల్యే గోరంట్ల బుచ్చయ్య చౌదరి ఈ అంశంపై ఆసక్తికర వ్యాఖ్యలు చేశారు.టీడీపీ నేతలు లోకేష్‌కు డిప్యూటీ సీఎం పదవి ఇవ్వాలనడం సరికాదని అన్నారు.
పవన్ కల్యాణ్ డిప్యూటీ సీఎంగా ఉన్నారని.. పార్టీ కోసం లోకేష్ కష్టపడి పనిచేశారని.. అందుకు సముచిత స్థానం ఇచ్చారని అన్నారు బుచ్చయ్య చౌదరి. కాగా.. సోమవారం ( జనవరి 27, 2025 )విశాఖ కోర్టుకు హాజరైన మంత్రి నారా లోకేష్ మీడియాతో మాట్లాడుతూ కీలక వ్యాఖ్యలు చేశారు. సీఎం చంద్రబాబు ఏ బాధ్యత ఇచ్చినా నిర్వర్తిస్తానని.. ఒక కుటుంబంలో మూడు పదవులకు మించి ఉండకూడదని అన్నారు. ఒక వ్యక్తి ఒక పదవిలో మూడు పర్యాయాలు మించి ఉండకూడదని అన్నారు లోకేష్.
Also Read :- విజయసాయిరెడ్డి స్థానం కోసం పోటాపోటీ
పార్టీ జాతీయ కార్యదర్శి పదవి నుండి తప్పుకుంటానని, ఒకే పదవి ఉండాలని కోరుకుంటున్నానని అన్నారు. డిప్యూటీ సీఎం పదవి ఊహాగానాలు మాత్రమేనని.. మంత్రిగానే కొనసాగుతానని అన్నారు లోకేష్.
