కందనూలు, వెలుగు: నియోజకవర్గంలోని గ్రామాలను అన్నిరంగాల్లో అభివృద్ధి చేసేందుకు కృషి చేస్తున్నామని ఎమ్మెల్యే రాజేశ్ రెడ్డి తెలిపారు. మంగళవారం నియోజకవర్గంలోని బిజినేపల్లి, తిమ్మాజిపేట ,తాడూరు, తెలకపల్లి, నాగర్ కర్నూల్ మండలాల్లోని పలు గ్రామాల్లో అంగన్వాడీ సెంటర్లు, గ్రామపంచాయతీ భవన నిర్మాణానికి శంకుస్థాపన చేశారు.
బిజినేపల్లి మండలం సాయినిపల్లిలోని మార్కండేయ లిఫ్ట్ పనులను పరిశీలించారు. వచ్చే నెల 15 వరకు ప్రాజెక్ట్ పనులు కంప్లీట్ చేయాలని కాంట్రాక్టర్ ను ఆదేశించారు. నాగర్ కర్నూల్ లో మాలల సింహగర్జన వాల్ పోస్టర్ను ఆవిష్కరించారు. వెంకటస్వామి, తిరుపతయ్య, వీరేందర్, హరీశ్ రెడ్డి, వాల్యా నాయక్, కొండ నాగేశ్, బంగారు పర్వతాలు పాల్గొన్నారు.
