- రూ.315 కోట్ల అంచనా వ్యయం ప్రతిపాదన
హైదరాబాద్, వెలుగు: సీతారామ లిఫ్ట్ ఇరిగేషన్ప్రాజెక్ట్లో సర్కారు మరో టెండరును పిలిచింది. ప్రాజెక్ట్లో భాగంగా చేపడుతున్న డిస్ట్రిబ్యూటరీ సిస్టమ్ ప్యాకేజీ 6లోని వివిధ పనులకు రూ.315.89 కోట్ల అంచనా వ్యయంతో టెండర్లను ఆహ్వానించింది. సత్తుపల్లి మెయిన్ కెనాల్లోని డీ 1 నుంచి డీ 15, ఎన్టీఆర్ ఫ్లడ్ ఫ్లో కెనాల్లోని డీ 16 నుంచి డీ 35 వరకు ఎర్త్వర్క్ ఎక్స్కవేషన్, ఎంబార్క్మెంట్, కన్ స్ట్రక్షన్ ఆఫ్ స్ట్రక్చర్, కెనాల్స్ లైనింగ్ పనులను చేయాల్సి ఉంటుంది. బుధవారం నుంచి టెండర్లు అందుబాటులోకి వచ్చినట్టు కల్లూరు ఎస్ఈ నోటిఫికేషన్ ద్వారా తెలియజేశారు. నవంబర్ 4 వరకు టెండర్లను వేసేందుకు గడువిచ్చారు.
బున్యాదిగని కెనాల్కు రూ.266 కోట్లు
యాదాద్రి భువనగిరి జిల్లాలోని బున్యాది కెనాల్ పునరుద్ధరణ పనులకు సర్కారు నిధులు మంజూరు చేసింది. కెనాల్ స్టార్టింగ్ పాయింట్ నుంచి 98 కిలోమీటర్లవరకు పునరుద్ధరణ పనుల కోసం రూ.266.65 కోట్లకు పరిపాలనా అనుమతులు మంజూరు చేస్తూ బుధవారం ఉత్తర్వులు జారీ చేసింది.
