జనగామ అర్బన్, వెలుగు : రోగులకు వైద్యులు ఎల్లప్పుడు అందుబాటులో ఉండాలని 24 గంటలు వైద్య సేవలు అందించాలని జనగామ కలెక్టర్ రిజ్వాన్ భాషా షేక్ అన్నారు. గురువారం జనగామ జిల్లా డిస్ట్రిక్ట్ హస్పిటల్ ను ఆయన ఆకస్మికంగా తనిఖీ చేశారు. సదరం క్యాంపు నిర్వహణ తీరును పరిశీలించారు. డాక్టర్లతో, రోగులతో మాట్లాడారు. హస్పిటల్ ను ఎల్లవేళల పరిశుభ్రంగా ఉంచాలని, వైద్యసిబ్బంది అప్రమత్తంగా ఉంటూ అందుబాటులో ఉండాలన్నారు.
డాక్టర్ అనురాధ తో కలిసి వివిధ రకాల సర్జరీలు చేయించుకున్న స్త్రీ, పురుషుల వార్డులను సందర్శించి రోగులను పలకరించారు. అనంతరం కంటి వైద్య విభాగాన్ని పరిశీలించారు. సిటీ స్కాన్ ను, లిప్ట్ ఏర్పాట్లను పరిశీలించారు. ఈ కార్యక్రమంలో డాక్టర్లు కేశవనాథ్, అశోక్ కుమార్, కంటి వైద్య డాక్టర్ సృజన్ కుమార్, సిబ్బంది ఖాజా పాషా, తదితరులు పాల్గొన్నారు.
