- స్కూల్ పిల్లల ఫస్ట్ఫేజ్యూనిఫామ్స్ పరిస్థితి ఇలా..
- సివిల్ డ్రెస్లతో బడులకు వస్తున్న స్టూడెంట్స్
- రెండో జత పట్ల అలర్ట్ అయితేనే నష్ట నివారణ
అధికారుల పర్యవేక్షణ లోపంతో సర్కారు బడి పిల్లల యూనిఫామ్స్ లూజ్గా లేదంటే టైట్గా మారాయి. ఇప్పటికే స్కూళ్లకు చేరిన మొదటి జత యూనిఫామ్ పరిస్థితి ఇలా ఉండగా, అధికారులు కళ్లు తెరకుంటే రెండో జత యూనిఫామ్స్ పనికిరాకుండా పోయే ప్రమాదం ఉంది.
నిజామాబాద్, వెలుగు: ఉమ్మడి నిజామాబాద్ జిల్లాలో 693 ప్రైమరీ, 115 అప్పర్ ప్రైమరీ, 230 స్కూల్స్, 25 కేజీబీవీలు, 10 ఆదర్శ కలిపి మొత్తం 1,074 సర్కారు బడులు ఉన్నాయి. ఇందులో చదివే 1 నుంచి 12 తరగతుల స్టూడెంట్స్కు రెండు జతల యూనిఫామ్స్నుసర్కారు ఫ్రీగా అందజేస్తుంది. మహిళా సంఘాలను ఆర్థికంగా పరిపుష్టి చేయడానికి కాంగ్రెస్ గవర్నమెంట్ఈసారి యూనిఫామ్స్ కుట్టే బాధ్యతను వారికే అప్పగించింది. 60,355 మంది బాయ్స్, 51,906 గర్ల్ స్టూడెంట్లకు యూనిఫామ్స్అందివ్వడానికి మొత్తం 10.17 లక్షల మీటర్ల క్లాత్ కొనుగోలు చేశారు. యూనిఫామ్స్ రెడీ చేసే టైంలో సైజ్ల విషయంలో ఆఫీసర్లు సరిగ్గా మానిటరింగ్ చేయకపోవడం లోపమైంది.
ఒక్కోటి ఒక్కోలా ఉండడంతో..
ఒకటో క్లాస్ నుంచి 3 క్లాస్ స్టూడెంట్స్కు ఒకే సైజ్యూనిఫామ్స్ రెడీ చేసి పంపారు. వీటిలో నెక్కర్పొట్టిగా లేకుంటే లూజ్గా, షర్ట్ బిర్రుగా వచ్చాయి. 4 నుంచి 7 క్లాస్ల దాకా నెక్కర్లు, షర్ట్లను కేవలం రెండు రకాల సైజులతో కుట్టారు. 8- నుంచి 10 బాయ్స్కు ప్యాంట్, షర్ట్లు ఇష్టమైన సైజులతో స్కూల్స్కు చేరాయి. వీటిని వేసుకుంటే ఒక్కోటి ఒక్కోలా ఉండడంతో స్టూడెంట్స్ పక్కన పెట్టేశారు. మొదట్లో విషయం అర్థంకాని పేరెంట్స్ సైజులు మార్చుకోడానికి బడులకు వచ్చి టీచర్లను ప్రశ్నించగా, ఉన్న సంగతి చెప్పారు.
బాలికల పరిస్థితి అంతే..
ఇక 1–-3 క్లాస్ బాలికలకు ఫ్రాకులు, 4-–5 తరగతి అమ్మాయిల స్కర్ట్స్, 6-–12 వరకు చుడీదార్ యూనిఫామ్స్ అందించారు. సైజు సరిపోక అమ్మాయిలు కూడా వీటిని ధరించడం లేదు. ఫలితంగా 80 శాతం స్టూడెంట్స్ సివిల్ డ్రెస్లోనే బడులకు వస్తున్నారు. మరో మూడు వారాల్లో రెండో జత యూనిఫారాలు రెడీ చేసే టార్గెట్ మహిళా సంఘాలపై పెట్టారు. లోపాలు సెట్ చేయకుంటే మళ్లీ సమస్య రిపీట్ అయ్యే ప్రమాదముంది. కుట్టు చార్జ్ను కూడా గవర్నమెంట్ పెంచి జతకు రూ.75 అందిస్తున్నందున ఆఫీసర్లు సమర్ధ అజమాయిషీ చేయాలి.
ఈ నెలాఖరుకు రెడీ చేయాలని లక్ష్యం పెట్టుకున్నం
ఫస్ట్ ఫేజ్లో అందించిన ఒక జత యూనిఫామ్స్ కుట్టడంలో సమస్యలు వచ్చాయి. ఇప్పుడు వాటన్నింటినీ సరిచేశాం. బాయ్స్ డ్రెస్లు కుట్టడంలో మహిళలకు ట్రైనింగ్ఇచ్చాం. రెండో జత పర్ఫెక్ట్గా సప్లై చేస్తం. ఆగస్టు 15 వరకు గడువున్నా ఈనెలాఖరు నాటికి విలేజ్స్టూడెంట్స్కు వీటిని అందించే టార్గెట్ పెట్టుకున్నం. అర్బన్యూనిఫారాల స్టిచ్చింగ్ మెప్మా చూస్తోంది.
సాయిలు, డీపీఎం, ఐకేపీ
