- ఎస్ఎస్ఏ సమ్మె ఎఫెక్ట్
- స్కూల్స్లో మధ్యాహ్న భోజన నిర్వాహకులకు తప్పని తిప్పలు
- సత్వరం బిల్లులు అందించేలా చూడాలంటున్న కార్మికులు
- ఉమ్మడి వరంగల్జిల్లాకు మంజూరైన బిల్లులు రూ.45,898,496
మహబూబాబాద్, వెలుగు : ప్రభుత్వ పాఠశాలల్లో మధ్యాహ్న భోజన నిర్వహణకు రాష్ట్ర ప్రభుత్వం సెప్టెంబర్, అక్టోబర్, నవంబర్ నెలల పెండింగ్ బిల్లులను మంజూరు చేసింది. రాష్ట్ర స్కూల్ఎడ్యూకేషన్ డైరెక్టర్ ఈవీ నర్సింహారెడ్డి ఈ నెల10న ఫండ్విడుదల చేస్తూ ఉత్తర్వులు జారీ చేశారు. సమగ్ర శిక్ష అభియాన్లో విధులు నిర్వహించే కాంట్రాక్ట్ కంప్యూటర్ ఆపరేటర్లు, ఎమ్మార్పీలు 14 రోజులుగా సమ్మెలో ఉన్నారు. రాష్ట్ర పాఠశాల విద్యాశాఖ డైరెక్టర్నుంచి జిల్లాల డీఈవోల ఎకౌంట్కు నిధులు జమ అవుతాయి.
ఆ తర్వాత మండలాల వారీగా ఎంఈవోల లాగిన్ నుంచి పాఠశాలల వారీగా మధ్యాహ్నభోజన తయారీ కార్మికుల బ్యాంక్ఎకౌంట్లోకి వేయవలసి ఉంటుంది. కంప్యూటర్ పాస్వర్డ్, లాగిన్ కంప్యూటర్ ఆపరేటర్లకే తెలిసి ఉండటం, వారి సహకారం లేకపోవడంతో క్షేత్రస్థాయిలో ఇబ్బందులు తప్పడం లేదు. ఉమ్మడి వరంగల్జిల్లాలో స్కూళ్లకు రూ.45,898,496 నిధులు మంజూరు చేసినా పాఠశాలలకు పంచలేని పరిస్థితి నెలకొన్నది.
కాగా, జిల్లాల వారీగా మూడు నెలలకు సంబంధించిన మధ్యాహ్నభోజన కుకింగ్చార్జీలు, నిర్వాహకులకు ప్రతి నెల అందించే గౌరవ వేతనం రూ.1,000, అక్టోబర్, నవంబర్ నెలల రాగి జావా బిల్లులను ప్రభుత్వం మంజూరు చేసింది.
పెండింగ్బిల్లులను అందించాలి..
మధ్నాహ్నభోజన తయారీకి నిత్యావసర సరుకులు, కూరగాయల ధరలు పెరుగడంతో తీవ్ర ఇబ్బందులు పడుతున్నాం. ప్రతీ నెల నిర్వహణకు పెట్టుబడి పెట్టలేకపోతున్నాం. మూడు నెలల తర్వాత రాష్ట్ర ప్రభుత్వం పెండింగ్ బిల్లులను మంజూరు చేసినా, సమగ్ర శిక్షా అభియాన్కంప్యూటర్ఆపరేటర్ల సమ్మె కారణంగా మాకు చెల్లించవలసిన బిల్లులను పట్టించుకోకపోవడం తగదు. తక్షణం పెండింగ్బిల్లులు అందించేలా చర్యలను చేపట్టాలి.
- గాడిపెల్లి నాగమణి, మధ్నాహ్నభోజన నిర్వాహకురాలు, చిన్నగూడురు
ప్రత్యామ్నాయ ఏర్పాట్లు చేస్తున్నాం..
సమగ్ర శిక్షా అభియాన్ కాంట్రాక్ట్ ఉద్యోగులు, కంప్యూటర్ ఆపరేటర్లు సమ్మె చేస్తున్నారు. ప్రతీ మండలంలో కంప్యూటర్ల ద్వారా ఆన్లైన్ బిల్లుల చెల్లింపుల బాధ్యతలను వారు నిర్వహించే వారు. మండలాల వారీగా ఎంఈవోలతో నూతనంగా పాస్వర్డ్ కేటాయింపు, లాగిన్రూపొందించి కంప్యూటర్ పరిజ్ఞానం ఉన్న ప్రభుత్వ ఉపాధ్యాయుల సహకారం తీసుకుని పెండింగ్బిల్లులు చెల్లించే విధంగా తగిన చర్యలను తీసుకుంటాం. మధ్యాహ్నభోజన తయారీ కార్మికులు ఆందోళన చెందవద్దు.
- రవీందర్ రెడ్డి, డీఈవో, మహబూబాబాద్ జిల్లా
ఉమ్మడి జిల్లాలో మధ్యాహ్న బిల్లుల మంజూరు వివరాలు (లక్షల్లో..)
జిల్లా కుకింగ్ చార్జీలు గౌరవ వేతనం రాగిజావ మొత్తం
హనుమకొండ 58,98,691 24,39,8000 3,11,477 83,36,691
జనగామ 45,91,825 24,42,000 2,94,862 73,28,687
మహబూబాబాద్ 1,21,69,964 39,16,228 7,21,445 1,68,07,637
ములుగు 24,90,281 20,71,217 1,94,662 47,56,160
వరంగల్ 56,45,925 26,84,000 3,39,396 86,69,321
