- జడ్పీ జనరల్ బాడీ మీటింగ్లో అధికారులపై సభ్యుల ఫైర్
మంచిర్యాల, వెలుగు: అంతటా 24 గంటల కరెంట్ఇస్తున్నామని, ఇంటింటికీ మంచినీళ్లు సరఫరా చేస్తున్నామని ప్రభుత్వం చెప్తున్నప్పటికీ గ్రామాల్లో కరెంట్ చీటికీమాటికీ పోతోంది. భగీరథ నీళ్లు రావడంలేదని జడ్పీ మీటింగ్లో సభ్యులు అధికారులను నిలదీశారు. మంచిర్యాల జడ్పీ చైర్పర్సన్నల్లాల భాగ్యలక్ష్మి అధ్యక్షతన బుధవారం జిల్లా పరిషత్సర్వసభ్య సమావేశం జరిగింది. ఉమ్మడి ఆదిలాబాద్ జిల్లా లోకల్ బాడీస్ ఎమ్మెల్సీ దండె విఠల్, కలెక్టర్ బదావత్ సంతోష్, అడిషనల్కలెక్టర్బి.రాహుల్, ఫారెస్ట్ ఆఫీసర్ శివ్ ఆశిష్సింగ్, జడ్పీ సీఈవో నరేందర్ హాజరయ్యారు.
ఈ సందర్భంగా జడ్పీ వైస్ చైర్మన్ తొంగల సత్యనారాయణ, లక్సెట్టిపేట జడ్పీటీసీ మెంబర్ ముత్తె సత్తయ్య తదితరులు జిల్లాలోని సమస్యలను ఏకరువు పెట్టారు. అధికారుల పనితీరు సరిగా లేదని ఫైర్అయ్యారు. గ్రామాల్లో నిత్యం కరెంటు పోతున్నా సంబంధిత అధికారులు పట్టించుకోవడం లేదని మండిపడ్డారు. మిషన్ భగీరథ నీళ్లు చాలాచోట్ల రావడం లేదన్నారు.
చెరువులు కబ్జా అవుతున్నా పట్టించుకోవట్లే..
సత్తయ్యతో పాటు పలువురు సభ్యులు మాట్లాడుతూ జిల్లాలో చాలా చోట్ల చెరువులు కబ్జాకు గురవుతున్నా ఇరిగేషన్ఆఫీసర్లు పట్టించుకోవడం లేదన్నారు. చెరువులను సర్వే చేయించి ఆక్రమణలను తొలగించాలని, ఎఫ్టీఎల్హద్దులు ఏర్పాటు చేయాలని డిమాండ్ చేశారు. అలాగే ఫారెస్ట్ డిపార్ట్మెంట్పర్మిషన్లు రాకపోవడం వల్ల అటవీ ప్రాంతాల్లో రోడ్ల నిర్మాణాలు, అభివృద్ధి పనులు నిలిచిపోయాయన్నారు.
వ్యవసాయం, విద్య, వైద్యం, గ్రామీణాభివృద్ధితో పాటు ఇతర డిపార్ట్మెంట్లపై వాడివేడిగా చర్చ జరిగింది. చైర్పర్సన్ మాట్లాడుతూ.. అధికారులు, ప్రజాప్రతినిధులు సమన్వయంతో పనిచేస్తూ జిల్లా అభివృద్ధికి పాటుపడాలన్నారు. అంతరాయం లేకుండా విద్యుత్అందించేందుకు అధికారులు చర్యలు తీసుకోవాలన్నారు. పైపులైన్లు రిపేర్లు చేసి మిషన్భగీరథ నీళ్లు ఇంటింటికీ అందేలా చూడాలని ఆదేశించారు.
