వేములవాడరూరల్, వెలుగు : కాంగ్రెస్ ప్రభుత్వ హయాంలో మహిళలకు పెద్దపీట వేస్తున్నామని ప్రభుత్వ విప్, ఎమ్మెల్యే ఆది శ్రీనివాస్ అన్నారు. శనివారం వేములవాడ రూరల్ మండలం మల్లారం, మర్రిపల్లి గ్రామాల్లో కృతజ్ఞతా ర్యాలీ నిర్వహించి, పార్టీ జెండా ఆవిష్కరించారు. ఈ సందర్భంగా ఆయన మాట్లాడుతూ బీఆర్ఎస్ సర్కార్ రూ. 6 లక్షల కోట్లు అప్పులు చేసి కనీసం మున్సిపాలిటీలకు కరెంట్ బిల్లులు కూడా కట్టలేదని విమర్శించారు. ప్రజా సమస్యలను విడతల వారీగా పరిష్కరిస్తామన్నారు.
అనంతరం చెక్కపల్లి గ్రామంలో సొసైటీ గోదాంను జడ్పీ చైర్‌‌‌‌‌‌‌‌‌‌‌‌‌‌‌‌పర్సన్‌ అరుణ, నాఫ్కాబ్ చైర్మన్రవీందర్‌‌‌‌‌‌‌‌‌‌‌‌‌‌‌‌తో కలిసి ప్రారంభించారు. కార్యక్రమంలో మండల కాంగ్రెస్ అధ్యక్షుడు వకుళాభరణం శ్రీనివాస్, ప్యాక్స్ చైర్మన్ తిరుపతిరెడ్డి, ఎంపీపీ మల్లేశం, జడ్పీటీసీ వాణి, సర్పంచ్ కరుణాకర్, మాజీ ఎంపీపీ వెంకటేశ్, బీసీ సెల్అధ్యక్షుడు సాయికృష్ణ, లీడర్లు పాల్గొన్నారు.
చందుర్తి, వెలుగు : చందుర్తి మండలకేంద్రంలో నిర్వహించిన కార్యక్రమంలో 96 మంది లబ్ధిదారులకు కల్యాణలక్ష్మి చెక్కులను ఎమ్మెల్యే ఆది శ్రీనివాస్ పంపిణీ చేశారు. జడ్పీటీసీ కుమార్, ఎంపీపీ లావణ్య, తహసీల్దార్శ్రీనివాస్, ఎంపీడీవో రవీందర్ పాల్గొన్నారు.
