యాదాద్రి, వెలుగు : ధరణి పెండింగ్ సమస్యపై ప్రభుత్వ విప్, ఆలేరు ఎమ్మెల్యే బీర్ల ఐలయ్య సీరియస్ అయ్యారు. ధరణి సమస్యల పరిష్కారంలో 33 జిల్లాల్లో యాదాద్రి జిల్లా వెనుకబడిందన్నారు. సమస్య పరిష్కరించనప్పుడు ఇక్కడ నుంచి తహసీల్దార్లు ట్రాన్స్ఫర్ చేయించుకోవాలని లేకుంటే ఉద్యోగాలకు రాజీనామా చేయాలని సూచించారు. జిల్లాలోని ఆలేరు మండల పరిషత్మీటింగ్సోమవారం జరిగింది. ఈ సందర్భంగా ఆలేరు తహసీల్దార్ శ్రీనివాసరెడ్డి మాట్లాడుతున్న క్రమంలో ధరణి గురించి ఐలయ్య ప్రస్తావించారు.
ధరణిలో పెండింగ్కారణంగా రాష్ట్రంలో యాదాద్రి జిల్లాలోని భువనగిరి, ఆలేరు వెనుకబడి పోయిందన్నారు. అన్ని జిల్లాల్లో మాదిరిగానే ఇక్కడ కూడా ఆఫీసర్లు ఎందుకు పరిష్కరించడం లేదంటూ ప్రశ్నించారు. జిల్లా వెనుకబడడం షేమ్గా ఉందని అసహనం వ్యక్తం చేశారు. జిల్లా వెనుకబాటు విషయం సీఎం రేవంత్ రెడ్డి దృష్టికి వెళ్లిందని చెప్పారు. కోర్టు కేసులు, వివాదాలు ఉంటే వాటిని పెండింగ్లో పెట్టాలి..
కానీ మిగిలినవి ఎందుకు పెండింగ్పెట్టి జిల్లాకు చెడ్డపేరు తెస్తున్నారంటూ ఆగ్రహం వ్యక్తం చేశారు. రైతుల సమస్యనే ప్రభుత్వం ప్రధాన సమస్యగా తీసుకుంటుంటే.. మీరు మాత్రం పని చేయడం లేదన్నారు. ప్రిన్సిపల్ సెక్రటరీ నవీన్మిట్టల్వారం టైమిచ్చారని, ఈలోపు అన్ని సమస్యలు పరిష్కరించాలని ఆదేశించారు.
