యాదాద్రి, వెలుగు : వివిధ డిపార్ట్మెంట్ల ఆఫీసర్లపై ప్రభుత్వ విప్, ఆలేరు ఎమ్మెల్యే గొంగిడి సునీత సీరియస్ అయ్యారు. తనకు చెప్పకుండానే పనులు చేసుకుంటూ పోతే ఎలా? అని మండిపడ్డారు. హాస్టళ్ల లోపాలు చెప్పినప్పటికీ సవరించరా? అని సీరియస్అయ్యారు. యాదాద్రి కలెక్టరేట్లో ఆలేరు నియోజకవర్గ అభివృద్ధిపై డిపార్ట్మెంట్ల వారీగా శుక్రవారం రివ్యూ జరిగింది. నియోజకవర్గంలో అమలు చేస్తున్న స్కీమ్స్ కారణంగా ఎంతమందికి లబ్ధి జరుగుతోంది, డెవలప్మెంట్ వర్క్స్ ఏ స్టేజిలో ఉన్నాయో ఆఫీసర్లను ఆమె అడిగి తెలుసుకున్నారు. లేబర్, ఎస్సీ, బీసీ డెవలప్మెంట్, హ్యాండ్లూమ్ సహా పలు డిపార్ట్మెంట్ల పనితీరుపై విప్ అసహనం వ్యక్తం చేశారు.
‘ఎన్నికలు దగ్గరకు వస్తున్నాయి. మేము మంజూరు చేయించిన పనులను మాకే చెప్పకుండా చేస్తే ఎలా..? మేమేం చెప్పుకోవాలి’ అని ప్రశ్నించారు. సంక్షేమ హాస్టళ్ల నిర్వహణ, హాస్టళ్లలో స్టూడెంట్స్ తగ్గుతుండడంపై ఆమె అసంతృప్తి వ్యక్తం చేశారు. దీంతో గురుకులాల కారణంగా హాస్టళ్లలో స్టూడెంట్స్సంఖ్య తగ్గుతోందని ఆఫీసర్లు వివరించారు. పూర్తి స్థాయిలో ఫండ్స్ రాకపోవడంతో లబ్ధిదారులకు లోన్లు అందించలేక పోతున్నామని తెలిపారు. వచ్చే నెలలో ఎడ్యూకేషన్ ఇయర్ ప్రారంభమవుతున్నందున స్టూడెంట్స్కు ఇబ్బందులు కలగకుండా చర్యలు తీసుకోవాలని ఆదేశించారు. పంట నష్టపోయిన రైతుల వివరాలను అడిగి తెలుసుకొని వారికి త్వరలోనే పరిహారం అందుతుందని తెలిపారు. సమావేశంలో అడిషనల్ కలెక్టర్ దీపక్ తివారి, భువనగిరి ఆర్డీవో భూపాల్రెడ్డి, సీపీవో భూక్యా మాన్యా నాయక్, ఎస్సీ కార్పొరేషన్ ఈడీ శ్యాంసుందర్, డీఏవో అనురాధ, ఎస్సీ, బీసీ డెవలప్మెంట్ ఆఫీసర్లు జైపాల్ రెడ్డి, యాదయ్య సహా పలు డిపార్ట్మెంట్ల ఆఫీసర్లు పాల్గొన్నారు.
