యాదాద్రి, వెలుగు: ఆలేరు మండలం కొలనుపాకలోని జైన్ మందిర్, శ్రీ సోమేశ్వరాలయం, భువనగిరిలోని స్వర్ణగిరిని -గవర్నర్ జిష్ణుదేవ్ వర్మ గురువారం జిల్లా పర్యటనలో భాగంగా సందర్శించారు.భక్తులు ఆయనకు ఘనంగా స్వాగతం పలికారు.అంతకు ముందు కలెక్టరేట్లో పోలీసుల గౌరవ వందనం స్వీకరించారు. ఈ కార్యక్రమాల్లో ప్రభుత్వ విప్, ఆలేరు ఎమ్మెల్యే బీర్ల ఐలయ్య, ఎంపీ చామల కిరణ్ కుమార్ రెడ్డి, భువనగిరి ఎమ్మెల్యే కుంభం అనిల్ కుమార్ రెడ్డి, ప్రిన్సిపల్ సెక్రెటరీ బీ వెంకటేశం, జాయింట్ సెక్రెటరీ జే భవాని శంకర్, మున్సిపల్ చైర్మన్ పోతంశెట్టి వెంకటేశ్వర్లు, డీసీపీ రాజేష్ చంద్ర, అడిషనల్ కలెక్టర్లు పీ బెన్ షాలోమ్, కే గంగాధర్ ఉన్నారు.
