హైదరాబాద్: వ్యవసాయ రంగంలో తెలంగాణ రాష్ట్రాన్ని దేశంలోనే అగ్రగామిగా నిలబెట్టాలన్న ప్రభుత్వ సంకల్పంలో అందరూ భాగస్వాములు కావాలని మంత్రి తుమ్మల నాగేశ్వర రావు పిలుపునిచ్చారు. ఎంసీహెచ్ఆర్డీలో కొత్తగా నియమితులైన 144 మంది వ్యవసాయ అధికారుల శిక్షణా కార్యక్రమంలో పాల్గొని వారికి దిశా నిర్దేశం చేశారు. ప్రభుత్వ పథకాలను అర్హులైన లబ్ధిదారులకు చేరవేసే ప్రధాన బాధ్యత అధికారులదే అని అన్నారు. రైతులను సంప్రదాయ వ్యవసాయం నుంచి మళ్లించి అధిక ఆదాయం వచ్చే పంటల సాగు వైపు మళ్లించాలని సూచించారు.
