2025 కేంద్ర బడ్జెట్‌లో హామీ ఇచ్చినట్లుగా కేంద్ర ప్రభుత్వం MSME లు స్థాపించే చిన్న వ్యాపారులకు ప్రభుత్వ క్రెడిట్ కార్డులను జారీ చేయనుంది. రూ. 5లక్షల లిమిట్ తో ఈ క్రెడిట్ కార్డులు అందించనున్నారు. ప్రభుత్వ క్రెడిట్ కార్డుల ద్వారా మైక్రో -యూనిట్ల అదనంగా రూ.30వేల కోట్ల నిధులను అందించేందుకు కేంద్ర ప్రభుత్వం ప్రణాళికలు సిద్ధం చేస్తోంది. ఇది వ్యాపార వృద్ది, రుణాల పొందుటకు మంచి ఎంపిక. ఈ పథకం కింద క్రెడిట్ కార్డులు పొందేందుకు చిన్న వ్యాపారులు నమోదు చేసుకోవాల్సి ఉంటుంది.
క్రెడిట్ కార్డులు ఎవరికి ఇస్తారంటే..
రూ.5లక్షల లిమిట్ తో క్రెడిట్ కార్డులను షాపులు , చిన్న తరహా పరిశ్రమలు నడిపేవారికి ఇస్తారు. వ్యాపారుల UPI లావాదేవీలు, బ్యాంక్ స్టేట్ మెంట్లు, వ్యాపార స్థితిగతులు అంచనా వేసి ఈ కార్డులను మంజూరు చేస్తారు. కార్డు చెల్లుబాటు కాలం ఒక సంవత్సరం.రూ. 10 లక్షల నుంచి 25 లక్షల మధ్య ఉన్న వార్షిక ఆదాయం ఉన్నవారు మాత్రమే ప్రభుత్వ మైక్రో క్రెడిట్ కార్డులకు అర్హులు.
ఎలా అప్లయ్ చేసుకోవాలంటే..
ప్రభుత్వం జారీ చేసే ఈ క్రెడిట్ కార్డును పొందడానికి దేశవ్యాప్తంగా ఉన్న చిరు వ్యాపారులు ముందుగా ఉద్యమ్‌ (Udyam) పోర్టల్‌లో నమోదు చేసుకోవాలి. అనంతరం ఎంఎస్‌ఎంఈ క్రెడిట్ కార్డును పొందవచ్చు. పోర్టల్‌లో నమోదుకు ఈ దశలు పాటించండి..
- అధికారిక ఉద్యమ్‌ పోర్టల్ msme.gov.in వెబ్‌సైట్‌ను సందర్శించాలి.
- క్విక్ లింక్స్ పై క్లిక్ చేయాలి.
- ఉద్యమ్‌ రిజిస్ట్రేషన్ సెలెక్ట్ చేసుకోవాలి.
- రిజిస్ట్రేషన్ ప్రక్రియను పూర్తి చేయడానికి తదుపరి సూచనలను అనుసరించాలి.
