ఉమ్మడి జిల్లావ్యాప్తంగా క్రిస్మస్ వేడుకలు ఘనంగా జరిగాయి. కరీంనగర్, రాజన్నసిరిసిల్ల, పెద్దపల్లి, జగిత్యాల జిల్లాల్లోని ప్రధాన చర్చిలు, ప్రార్థన మందిరాలు కిక్కిరిసిపోయాయి. అర్ధరాత్రి నుంచే క్రైస్తవులు చర్చిల్లో ప్రత్యేక ప్రార్థనలు చేశారు. పాస్టర్లు క్రీస్తు బోధనలు వినిపించారు. ఆటపాటలతో ఉల్లాసంగా గడిపారు.
కేక్ కట్ చేసి పంపిణీ చేశారు. ఒకరికొకరు శుభాకాంక్షలు చెప్పుకున్నారు. కరీంనగర్ సీఎస్ఐ చర్చిలో జరిగిన వేడుకల్లో ఎమ్మెల్యే గంగుల కమలాకర్, జగిత్యాలలో ఎమ్మెల్సీ జీవన్రెడ్డి, వేములవాడ, గొల్లపల్లిలో విప్లు ఆది శ్రీనివాస్, అడ్లూరి లక్ష్మణ్కుమార్ పాల్గొన్నారు.
