కోహెడ, వెలుగు; మండలంలోని కూరెల్ల గ్రామంలో హనుమాన్ శోభాయాత్ర గురువారం ఘనంగా నిర్వహించారు. ఈ సందర్భంగా హనుమాన్ ఫోటో పల్లకిలో ప్రతిష్టించి కాషాయ జెండాలతో గ్రామంలోఊరేగింపు నిర్వహించారు. స్వామివారికి మహిళలు మంగళ హారతులతో స్వాగతం పలికి ప్రత్యేక పూజలు చేశారు.దీక్షాపరులు హనుమాన్ పాటలు పాడుతూ,సంకీర్తనలు చేస్తూ ముందుకు సాగారు.జై హన్మాన్..జై శ్రీరాం స్వామివారి నామస్మరణలతో గ్రామం మారుమోగింది. ఈ కార్యక్రమంలో హనుమాన్ దీక్ష భక్తులు పాల్గొన్నారు.
