న్యూఢిల్లీ: ఏకాగ్రత లోపం, హైపర్ యాక్టివిటీ చికిత్సకు ఉపయోగించే జెనరిక్ ఔషధానికి యూఎస్ హెల్త్ రెగ్యులేటర్ నుంచి తమ అనుబంధ సంస్థ ఆమోదం పొందిందని ఫార్మా సంస్థ గ్రాన్యూల్స్ ఇండియా మంగళవారం తెలిపింది. గ్రాన్యూల్స్ ఫార్మాస్యూటికల్స్ తయారు చేసిన లిస్డెగ్యామ్ఫెటమిన్డైమ్సిలేట్ టాబ్లెట్ల కోసం దాని సంక్షిప్త కొత్త డ్రగ్ అప్లికేషన్ (ఏఎన్డీఏ)కు యూఎస్ ఫుడ్ అండ్ డ్రగ్ అడ్మినిస్ట్రేషన్ (యూఎస్ఎఫ్డీఏ) నుంచి ఆమోదం వచ్చింది.
ఈ ట్యాబ్లెట్లు10 ఎంజీ, 20 ఎంజీ, 30 ఎంజీ, 40 ఎంజీ, 50 ఎంజీ 60 ఎంజీ డోసుల్లో అందుబాటులో ఉంటాయి. తకేడా ఫార్మా వైవాన్సే చూవబుల్ ట్యాబ్లెట్లకు లిస్డెగ్యామ్ఫెటమిన్డైమ్సిలేట్ టాబ్లెట్లు సమానమని గ్రాన్యూల్స్ విడుదల చేసిన ప్రకటన పేర్కొంది.
