ఖైరతాబాద్, వెలుగు: కేంద్ర ప్రభుత్వం ఇటీవల ప్రకటించిన నేషనల్ఫిల్మ్అవార్డ్స్లో ఉత్తమ సినీ కొరియోగ్రాఫర్గా నిలిచిన జానీ మాస్టర్ ను ‘తెలంగాణ యువత’ ఆధ్వర్యంలో ఘనంగా సన్మానించారు. శనివారం సోమాజిగూడ ప్రెస్క్లబ్లో ఈ కార్యక్రమం జరిగింది. ఈ సందర్భంగా జానీ మాస్టర్ మాట్లాడుతూ.. ప్రముఖ నటుడు, డ్యాన్స్మాస్టర్ ప్రభుదేవా టాలెంట్ఉన్నవాళ్లను గుర్తించి ప్రోత్సాహిస్తారని, ఆయన వల్లే తనకు తమిళ ఇండస్ట్రీలో అవకాశం వచ్చిందని చెప్పారు.
తెలంగాణ యువత రాష్ట్ర అధ్యక్షుడు ఇమ్మడి సతీశ్ మాట్లాడుతూ.. తన మిత్రుడు జానీ మాస్టర్ కు నేషనల్అవార్డు రావడం సంతోషకరమన్నారు. మున్ముందు ఇలాంటి మరెన్నో అవార్డులు అందుకోవాలని ఆకాంక్షించారు. సన్మాన కార్యక్రమంలో కొరియోగ్రాఫర్ గణేశ్, దైవజ్ఞశర్మ, రాజీవ్, మునాఫ్, నిఖిల్, అభినవ్ తదితరులు పాల్గొన్నారు. కాగా ‘తిరుచిత్రాంబలం’ అనే తమిళ సినిమాలో మేఘం కరుకత సాంగ్కు డ్యాన్స్ కొరియోగ్రఫీ చేసిన జానీ మాస్టర్ను నేషనల్ అవార్డు వరించిన సంగతి తెలిసిందే.
