వనపర్తి, వెలుగు : ఈ నెల 15, 16 న నిర్వహించే గ్రూప్-2 పరీక్షలకు అన్ని ఏర్పాట్లు పూర్తి చేసినట్లు కలెక్టర్ ఆదర్శ్ సురభి తెలిపారు. గ్రూప్ 2 అభ్యర్థులు పరీక్ష కేంద్రానికి సకాలంలో చేరుకోవాలని, 12 రకాల గుర్తింపు కార్డుల్లో ఏదో ఒక ఒరిజినల్ తీసుకొని రావాలని అన్నారు. ఉదయం 10 నుంచి 12.30లకు, మధ్యాహ్నం 3 నుంచి .5.30 వరకు పరీక్షలు ఉంటాయిన తెలిపారు.
అభ్యర్థులు ఉదయం 9.30, మధ్యాహ్నం 2.30 కి పరీక్ష కేంద్రాలకు రావాలని, ఒక్క నిమిషం ఆలస్యమైనా లోపలికి అనుమతి ఉండదని అన్నారు. క్యాండిడేట్స్ బ్లూ లేదా బ్లాక్ బాల్ పాయింట్ పెన్ను, హాల్ టికెట్, ఏదైనా గుర్తింపు కార్డు తప్ప మరే విధమైన వస్తువులు పరీక్ష కేంద్రంలోకి తీసుకురాకూడదన్నారు. సెల్ ఫోన్లు , ఎలక్ట్రానిక్ పరికరాలు, పేజర్స్, టాబ్లెట్స్, పెన్ డ్రైవ్, బ్లూటూత్, గడియారం, గణిత టేబుల్, లాగ్ పట్టికలు, పర్స్, పరీక్ష ప్యాడ్ , నోట్ బుక్స్ లేదా విడి పేపర్లు, ఆభరణాలు, హ్యాండ్ బ్యాగులు, పౌచ్ లు తీసుకొని రావద్దని వాటిని ఎట్టిపరిస్థిల్లోనూ అనుమతించేది
లేదన్నారు.
