మహబూబాబాద్/ ములుగు/ జనగామ/కాశీబుగ్గ, వెలుగు: ఉమ్మడి ఓరుగల్లు జిల్లాలో గ్రూప్–2 తొలి రోజు పరీక్షలు ప్రశాంతంగా జరిగాయి. మహబూబాబాద్ కలెక్టర్ అద్వైత్ కుమార్ సింగ్, ఎస్పీ ఆధ్వర్యంలో అధికారుల సమన్వయంతో పరీక్ష సజావుగా ముగిసినట్లు ఆఫీసర్లు వెల్లడించారు. కాగా, పరీక్ష కేంద్రాలను అడిషనల్కలెక్టర్ వీరబ్రహ్మచారి, పరీక్షల నిర్వహణ అధికారి ఆర్సీవో డాక్టర్ బలరాం నాయక్ డీవీహెచ్వో మరియన్న సెంటర్లను పరిశీలించారు. ఉదయం పేపర్ 1కు 52 శాతం, మధ్యాహ్నం పేపర్ 2కు 51.78 శాతం మంది అభ్యర్థులు హాజరైనట్లు అధికారులు తెలిపారు.
ములుగు జిల్లాలో 9 కేంద్రాలను ఏర్పాటు చేయగా, 2195 మందికి పరీక్షలు నిర్వహించారు. పరీక్షా కేంద్రాలను ములుగు అడిషనల్కలెక్టర్సంపత్రావు పరిశీలించారు. పరీక్షకు ఉదయం సెషన్లో 1118 మంది హాజరు కాగా, 1077మంది గైర్హాజరయ్యారని, మధ్యాహ్నం సెషన్లో 1115మంది హాజరు కాగా, 1080 మంది గైర్హాజరయ్యారని అధికారులు తెలిపారు.
కాగా, పరీక్షకు సమయానికి రాకపోవడంతో నలుగురు అభ్యర్థులు వెనుదిరిగినట్లు తెలిసింది. జనగామ జిల్లాలో 16 సెంటర్లను ఏర్పాటు చేయగా 5470 మంది అభ్యర్థులకు ఉదయం పేపర్-1 కు 2959 మంది, మధ్యాహ్నం పేపర్-2 పరీక్షకు 2947 మంది హాజరయ్యారు. సెంటర్ల వద్ద డీసీపీ రాజమహేంద్ర నాయక్ పర్యవేక్షణలో పోలీసులు పటిష్ట బందోబస్తు చేపట్టారు. వరంగల్జిల్లాలోని పాలెం ఇన్ఫాన్ట్జీసస్స్కూల్పరీక్ష కేంద్రాన్ని కలెక్టర్సత్య శారదాదేవి పరిశీలించారు.
ఒక సెంటర్ బదులు మరో సెంటర్కు..
జనగామ జిల్లా కేంద్రంలో కన్ఫ్యూజన్తో ఒక సెంటర్ కు బదులు మరో సెంటర్కు వెళ్లిన బాలింత గ్రూప్–2 పరీక్ష రాయలేక వెనుదిరిగింది. కొడకండ్ల మండలం మొండ్రాయి శివారు వసరాం తండాకు చెందిన భూక్య సునీతకు జనగామ సాన్మారియా స్కూల్లో సెంటర్ కేటాయించారు. ఈ స్కూల్పక్కనే ఉన్న మరో సెంటర్ సెయింట్మేరీస్స్కూల్లోనూ పరీక్ష ఉండడంతో కన్ఫ్యూజ్ అయిన ఆమె భర్త భూక్య సునీతను సెయింట్మెరీస్సెంటర్ లోకి అరగంట ముందే పంపించాడు. అధికారులు సైతం ఫొటో, ఐడీలను చూసి లోనికి అనుమతించారు. పరీక్ష గదికి వెళ్లగా అక్కడున్న ఇన్విజిలేటర్ కూడా సరిగా చూడక పోవడం, హాల్టికెట్నంబర్లోని చివరి నాలుగు నంబర్లు ఒకేలా ఉండడంతో సీట్లో వెళ్లి కూర్చుంది.
సదరు బెంచ్పై కేటాయించిన హాల్టికెట్నంబర్ గల అభ్యర్థి కూడా గైర్హాజరు కావడంతో ఆమెకు ఎవరూ అభ్యంతరం చెప్పలేదు. తీరా ఓఎంఆర్ షీట్ఇచ్చిన ఇన్విజిలేటర్ హాల్టికెట్నంబర్ను చెక్ చేయడంతో కోడ్వేరుగా ఉండడాన్ని గుర్తించారు. సదరు కోడ్ఉన్న సెంటర్సాన్మారియా అని, అక్కడికి వెళ్లాలని పరీక్ష గదినుంచి పంపించారు. దీంతో ఆందోళన చెందిన అభ్యర్థిని పక్కనే ఉన్న సాన్మారియా సెంటర్కు వెళ్లగా, అప్పటికే టైం అయిపోవడంతో అధికారులు సెంటర్లోకి అనుమతించ లేదు. దీంతో అభ్యర్థి సునీత కన్నీటి పర్యంతమయ్యింది.
తల్లికి పరీక్ష పాపను ఆడించిన పోలీసులు..
మహబూబాబాద్ లో గ్రూప్–2 పరీక్షలో భాగంగా ఓ తల్లి తన బిడ్డతో పరీక్ష రాయడానికి వచ్చింది. మహిళకు సంబంధించిన వారు ఎవ్వరూ రాకపోవడంతో పరీక్ష రాయడం ఇబ్బంది తప్పదనుకుంది. అక్కడే ఉన్న టౌన్ సీఐ పెండ్యాల దేవేందర్ పాపను దగ్గరికి తీసుకుని ఆడించారు. దీంతో ఆ తల్లి పరీక్షను విజయవంతంగా రాసింది. పాపను ఎత్తుకుని సీఐ ఆడించిన ఫొటోలు సోషల్ మీడియాలో వైరల్ గా మారాయి.
