ఖమ్మం టౌన్, వెలుగు: జిల్లాలో గ్రూప్2 పరీక్షలు ప్రశాంతంగా ముగిశాయి. సోమవారం 28,101అభ్యర్థులకు 85 సెంటర్లలో పరీక్షలు నిర్వహించారు. కలెక్టర్ ముజమ్మిల్ఖాన్ పలు సెంటర్లను సందర్శించి పరీక్ష జరుగుతున్న తీరును పరిశీలించారు. ఆయన వెంట పలువురు అధికారులు ఉన్నారు.
సగానికి పైగా ఎగ్జామ్ రాయని అభ్యర్థులు
భద్రాద్రి కొత్తగూడెం : జిల్లాలో గ్రూప్2 పరీక్షలు ప్రశాంతంగా ముగిశాయి. సోమవారం జరిగిన ఎగ్జామ్కు 13,466 మంది అభ్యర్థులకు గానూ కేవలం 6,170 మంది మాత్రమే అటెండ్అయ్యారు. 7,296 మంది ఆబ్సెంట్అయ్యారు. మధ్యాహ్నం జరిగిన ఎగ్జామ్కు 13,466 మందికి గానూ 6,173 మంది మాత్రమే అటెండ్అయ్యారు. 7,293 మంది ఆబ్సెంట్అయ్యారు. పలు ఎగ్జామ్సెంటర్లను కలెక్టర్జితేశ్, ఎస్పీ రోహిత్రాజు పరిశీలించారు. ఎగ్జామ్ సదర్భంగా సెంటర్ల వద్ద పోలీస్బందోబస్తు ఏర్పాటు
చేశారు.
సెంటర్లోకి అనుమతించలేదని అర్ధనగ్న నిరసన
పాల్వంచ: పాల్వంచలో పరీక్షకు ఆలస్యంగా వచ్చిన అభ్యర్థిని సెంటర్లోకి అనుమతించకపోవడంతో అభ్యర్థి అర్ధనగ్న ప్రదర్శన చేశాడు. పట్టణానికి చెందిన ఓ అభ్యర్థి ఎనిమిదిన్నరకే సెంటర్దగ్గరకు వచ్చి లోపలికి వెళ్లకుండా సమయాన్ని వృథాచేశాడు. గేట్లు క్లోజ్చేశాక సెంటర్వద్దకు వచ్చి లోపలికి పంపించాలని పోలీసులతో గొడవకు దిగాడు. వారు అతడిని పంపంచకపోవడంతో చొక్కా, ప్యాంటు విప్పి నిరసన తెలిపాడు.
